ରାୟଗଡା: ଅଶୁଭ ସୋମବାର । ରାୟଗଡା ପାଇଁ ଆଜି ଥିଲା ଦୁର୍ଘଟଣାର ଦିନ । କାରଣ ଗୋଟିଏ ଦିନରେ ଦୁଇ ଦୁଇଟା ସଡକ ଦୁର୍ଘଟଣା । ପ୍ରଥମଟି ରାୟଗଡା ଜିଲ୍ଲା ସେସଖାଲ ଥାନା ଅନ୍ତର୍ଗତ ପାରତାପୁର ଘାଟିରେ ଭୋର ସମୟରେ ଘଟିଥିବା ବେଳେ କେରଡା ନିକଟରେ ଭାରସାମ୍ୟ ହରାଇ କୋଇଲା ବୋଝେଇ ଟ୍ରକଟି ଓଲଟି ପଡିଥିଲା । ତେବେ ଏଥିରେ କେହି ଆହତ ହୋଇନଥିବା ବେଳେ ମଝିଘରିଆଣି ମନ୍ଦିର ନିକଟରେ ଟ୍ରକ ଟ୍ରକ ମଧ୍ୟରେ ଧକ୍କା ହୋଇଛି ।
ସୂଚନା ମୁତାବକ, ପାରତାପୁର ନିକଟରେ ଆଜି ଭୋର ସମୟରେ ବିଶାଖାପାଟଣା ଠାରୁ ରାୟଗଡା ଅଭିମୁଖେ ଏକ କୋଇଲା ବୋଝେଇ ଟ୍ରକ୍ ଆସୁଥିବାବେଳେ ରାୟଗଡା ଠାରୁ ୧୫ କିମି ଦୂରରେ ଥିବା ପାରତାପୁର ଗଡାଣିଠାରେ ଭାରସାମ୍ୟ ହରାଇ ଗଛ ସହିତ ବାଡେଇ ହୋଇଥିଲ। ।
ଡ୍ରାଇଭର ହେଲ୍ପରକୁ ଗୁରୁତର ଅବସ୍ଥାରେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିବା ସତ୍ବେ ଡାକ୍ତର ମୃତ ଘୋଷଣ କରିଥିଲେ । ରାୟଗଡରେ ଗାଡି ମାଲିକ ଏବଂ ମୃତକଙ୍କ ପରିବାର ବର୍ଗ ପହଞ୍ଚିଥିବାବେଳେ ସେସଖାଲ ଥାନାରେ ଏକ ମାମଲା ରୁଜୁ ହୋଇଛି । ଶବ ବ୍ୟବଛେଦ ପରେ ପରିବାର ବର୍ଗଙ୍କୁ ହସ୍ତାନ୍ତର କରାଯିବା ନେଇ ସୂଚନା ଦେଇଛନ୍ତି ରାୟଗଡା ଏସଡିପିଓ ତପନ ନାରାୟଣ ରଥ ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
