ରାୟଗଡା: ପବିତ୍ର ମାଘ ପର୍ଣ୍ଣିମାରୁ ରାୟଗଡାରେ ପ୍ରସିଦ୍ଧ ଗଦଗଦା ଯାତ୍ରା ଅନୁଷ୍ଠିତ ହୋଇଥାଏ । ଜିଲ୍ଲା ରାମନାଗୁଡା ବ୍ଲକ ପେଣେକାମ ପଞ୍ଚାୟତ ଅଧିନ ତାମିଙ୍ଗ ଗ୍ରାମ ନିକଟରେ ଆୟୋଜିତ ଗଦଗଦା ଯାତ୍ରାରେ ବହୁ ସମାଗମ ହୋଇଛି । ୫୦ ହଜାରରୁ ଉର୍ଦ୍ଧ୍ବ ଭକ୍ତ ଏକାଠି ହୋଇଛନ୍ତି ।
ପବିତ୍ର ମାଘ ପୂର୍ଣ୍ଣିମା ବା ଅଗିରା ପୁନେଇଁ ଠାରୁ 4 ଦିନ ଧରି ଆରମ୍ଭ ହୋଇଥିବା ଗଦଗଦା ଯାତ୍ରାର ବୁଧବାର ଶେଷ ହୋଇଛି । ରାୟଗଡ଼ା ଜିଲ୍ଲା ରାମନାଗୁଡା ବ୍ଲକ ପେଣେକାମ ପଞ୍ଚାୟତ ଅଧିନ ତାମିଙ୍ଗ ଗ୍ରାମ ନିକଟରେ ଆୟୋଜିତ ଗଦଗଦା ଯାତ୍ରାରେ ପ୍ରତି ବର୍ଷ ପରି ଏ ବର୍ଷ ମଧ୍ୟ ଭକ୍ତଙ୍କ ସମାଗମ ହୋଇଥିଲା । ଚଳିତ ବର୍ଷ ୫୦ ହଜାରୁ ଅଧିକ ଭକ୍ତଙ୍କ ସମାଗମ ହୋଇଛି । ଏହି ଯାତ୍ରା ବର୍ଷକୁ ଥରେ ଅନୁଷ୍ଠିତ ହେଉଥିବା ବେଳେ ଚାରିଦିନ ଧରି ଏଠାରେ ପଥରଖୋଲ ମଧ୍ୟରେ ପ୍ରଭୁ ନୀଳକଣ୍ଠେଶ୍ବର ପୂଜା ପାଇଥାନ୍ତି । ପବିତ୍ର ମାଘ ପୂର୍ଣ୍ଣିମା ଅବସରରେ ନୀଳକଣ୍ଠେଶ୍ବରଙ୍କ ଏହି ଯାତ୍ରା ଅନୁଷ୍ଠିତ ହୋଇଥାଏ ।
ଏହା ବି ପଢନ୍ତୁ...ବଦଳିବ ଡିଏସଇ ଠିକଣା, ଏହି ସ୍କୁଲ କୋଠାକୁ ହେବ ସ୍ଥାନାନ୍ତର
ବଣପାହାଡ଼ ପଥର ଖୋଲ ମଧ୍ୟରେ ପ୍ରବାହିତ ଝରଣା ପାଣିରେ ନୀଳକଣ୍ଠେଶ୍ବର ଆସ୍ଥାନ ହୋଇଥିବା ବେଳେ ଏହି ଯାତ୍ରା ଲାଗି ସମଗ୍ର ଅଞ୍ଚଳ ଚଳଚଞ୍ଚଳ ହୋଇ ଉଠିଥାଏ । ଏହି ଯାତ୍ରା ଅବସରରେ ଆଖପାଖ ଅଞ୍ଚଳର ସମେତ ପଡୋଶୀ ଆନ୍ଧ୍ରର ଲୋକମାନେ ମଧ୍ୟ ଏଠାକୁ ଆସି ସାମିଲ ହୋଇଥାନ୍ତି । ସ୍ଥାନୀୟ ଲୋକଙ୍କ କହିବା ଅନୁଯାଇ ଏହି ଯାତ୍ରା ପ୍ରାୟ ଦୀର୍ଘ ଶହେ ବର୍ଷ ତଳୁ ହୋଇ ଆସୁଛି । ମାନସିକ ପୂରଣ ପରେ ଏଠାରେ ମୁଣ୍ଡନ କରାଇବା ବିଧି ରହି ଥିବା ବେଳେ ପ୍ରଭୁ ରାମଚନ୍ଦ୍ର ପାଦଚିହ୍ନ ଏଠାରେ ପ୍ରତ୍ୟକ୍ଷ ବିଦ୍ୟମାନ ।
ସେହିପରି ନୀଳକଣ୍ଠେଶ୍ବରଙ୍କ ଦର୍ଶନ କଲେ ସନ୍ତାନପ୍ରାପ୍ତି ସହ ମନସ୍କାମନା ପୂରଣ ହୁଏ ବୋଲି ଭକ୍ତଙ୍କ ମନରେ ବିଶ୍ବାସ ରହିଛି । ଝରଣାପାଣି ଉପରୁ ପଡି ଉତ୍ତର ଦିଗରେ ପ୍ରବାହିତ ହେଉଥିବାରୁ ଏହାକୁ ଉତ୍ତରଗଙ୍ଗା ବୋଲି ମଧ୍ୟ କୁହାଯାଏ । ପୁଣି ଆରବର୍ଷକୁ ଆପେକ୍ଷା କରିଛନ୍ତି ଶ୍ରଦ୍ଧାଳୁ ।
ଇଟିିଭି ଭାରତ, ରାୟଗଡା