ପୁରୀ: ରାଜ୍ୟର ଯୁବକ ଯୁବତୀଙ୍କୁ ସରକାରୀ ଚାକିରି ଭେଟି ଦେବେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ବିଭିନ୍ନ କ୍ଷେତ୍ରରେ ସରକାର ଦେବେ ନିଯୁକ୍ତି । ଆସନ୍ତା 5 ବର୍ଷ ମଧ୍ୟରେ ୧,୫୦,୦୦୦ (ଦେଢ ଲକ୍ଷ ) ସରକାରୀ ପଦବୀ ପୂରଣ ହେବ । ରାଜ୍ୟରେ ବିଜେପି ସରକାରର 100 ଦିନ ପୂରଣ କରିବା ଅବସରରେ ସରକାରୀ ପଦବୀରେ ନିଯୁକ୍ତି କ୍ଷେତ୍ରରେ ଏପରି ବଡ ସୂଚନା ଦେଇଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ।
5 ବର୍ଷରେ ୧,୫୦,୦୦୦ ସରକାରୀ ଚାକିରି:
ନିର୍ବାଚନୀ ଇସ୍ତାହାରରେ ବିଜେପି ଦେଇଥିବା ପ୍ରତିଶ୍ରୁତି ମଧ୍ୟରୁ ଯୁବକ ଯୁବତୀଙ୍କୁ ଚାକିରି ଦେବା ନେଇ ପ୍ରତିଶ୍ରୁତି ଦେଇଥିଲା ବିଜେପି । 2029 ସୁଦ୍ଧା 3 ଲକ୍ଷ 50 ହଜାର ଲୋକଙ୍କୁ ନିଯୁକ୍ତି ଦିଆଯିବା ନେଇ ନିର୍ବାଚନ ସମୟରେ ଘୋଷଣା କରାଯାଇଥିଲା । ଗତକାଲି (ଗୁରୁବାର) ରାଜ୍ୟରେ ବିଜେପି ସରକାରର 100 ଦିନ ପୂର୍ତ୍ତି ଅବସରରେ, ରିପୋର୍ଟ କାର୍ଡ ପ୍ରଦାନ କରିଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ । ସେ ନିଯୁକ୍ତି କ୍ଷେତ୍ର ପାଇଁ ବଡ ଘୋଷଣା କରିଛନ୍ତି । ଆସନ୍ତା 5 ବର୍ଷ ମଧ୍ୟରେ ରାଜ୍ୟ ସରକାର ୧,୫୦,୦୦୦ (ଦେଢ ଲକ୍ଷ ) ଯୁବକ ଯୁବତୀଙ୍କୁ ସରକାରୀ ଚାକିରିରେ ନିଯୁକ୍ତି ଦେବା ନେଇ କହିଥିଲେ ମୁଖ୍ୟମନ୍ତ୍ରୀ ।
ଏହା ମଧ୍ୟ ପଢନ୍ତୁ-ମୋହନ ସରକାରଙ୍କ 100 ଦିନ, ରିପୋର୍ଟ କାର୍ଡ କେତେ ସଫଳ ? - 100 days Of Odisha BJP GOVT ଏହା ମଧ୍ୟ ପଢନ୍ତୁ-ମୋହନ ସରକାରଙ୍କ ମେଗା ନିଯୁକ୍ତି ମିଶନ, ୫ ବର୍ଷରେ ପୂରଣ ହେବ ଦେଢଲକ୍ଷ ପଦବୀ - mega employment |
ବିଧାନସଭାରେ ଉଠିଥିଲା ସରକାରୀ ଚାକିରି ପ୍ରସଙ୍ଗ:
ଗତ ବିଧାନସଭା ଅଧିବେଶନ ସମୟରେ ସରକାରୀ ଚାକିରିକୁ ନେଇ ମନ୍ତ୍ରୀ ମୁକେଶ ମହାଲିଙ୍ଗ ସୂଚନା ଦେଇଥିଲେ ଯେ, ''ଆସନ୍ତା ୫ ବର୍ଷ ମଧ୍ୟରେ ରାଜ୍ୟରେ 1 ଲକ୍ଷ 50 ହଜାର ଖାଲି ପଡିଥିବା ପଦବୀ ପୂରଣ ପାଇଁ ସରକାର ପ୍ରତିଶ୍ରୁତିବଦ୍ଧ । ଏବେ ରାଜ୍ୟରେ ମୋଟ 1 ଲକ୍ଷ 32 ହଜାର 459ଟି ଖାଲି ପଦବୀ ରହିଛି । ଏହା ମଧ୍ୟରୁ 92 ହଜାରରୁ ଅଧିକ ପଦବୀରେ ନିଯୁକ୍ତି ପାଇଁ ଉଚ୍ଚକ୍ଷମତା ସମ୍ପନ୍ନ କମିଟି ଦ୍ଵାରା ଅନୁମୋଦନ ମିଳି ସାରିଛି । ସେଥିରୁ 78 ହଜାର 919 ପଦବୀ ପାଇଁ ନିଯୁକ୍ତି ପ୍ରକ୍ରିୟା ମଧ୍ୟ ଆରମ୍ଭ ହୋଇସାରିଛି । ଆଗାମୀ 2 ବର୍ଷ ମଧ୍ୟରେ 65 ହଜାର ପଦବୀ ପୂରଣ କରାଯିବ । ''ସେପ୍ଟେମ୍ବର 11 ତାରିଖରେ ବିଧାନସଭାରେ କଂଗ୍ରେସ ଆଣିଥିବା ମୁଲତବୀ ପ୍ରସ୍ତାବରେ ମୁଖ୍ୟମନ୍ତ୍ରୀଙ୍କ ତରଫରୁ ଗୃହରେ ଉତ୍ତର ରଖି ସଂସଦୀୟ ବ୍ୟାପାର ମନ୍ତ୍ରୀ ମୁକେଶ ମହାଲିଙ୍ଗ ଏହା କହିଥିଲେ।
ସଫଳତାର ୧୦୦ ଦିନ
— Mohan Charan Majhi (@MohanMOdisha) September 19, 2024
ଆଜି ଲୋକଙ୍କ ସରକାରର ସଫଳତାର ୧୦୦ ଦିନ ପୂରଣ ହୋଇଛି। ମହାପ୍ରଭୁ ଶ୍ରୀ ଜଗନ୍ନାଥଙ୍କ ଆଶୀର୍ବାଦ ଏବଂ ଓଡ଼ିଶାବାସୀଙ୍କ ସମର୍ଥନରେ ଆମ ସରକାରକୁ ସେବା କରିବାର ଏକ ସୁଯୋଗ ମିଳିଛି। ଆମେ ଦେଇଥିବା ପ୍ରତିଶ୍ରୁତିକୁ ପୂରଣ କରିବା ପାଇଁ ଯେଉଁ ସଂକଳ୍ପ ନେଇଥିଲୁ ଆଜି ତାହା ପୂରଣ ହେଉଛି। ଆମ ସଂକଳ୍ପ ପତ୍ର ଆମର ଧର୍ମ ଗ୍ରନ୍ଥ,… pic.twitter.com/aZDGQEWAia
ଦେଶର ବିକାଶ ଯାତ୍ରାରେ ଓଡ଼ିଶା ହେବ ପ୍ରଥମ ବଗି :
ପୁରୀ କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ମୋହନ ମାଝୀ କହିଥିଲେ ଯେ, '' ପୂର୍ବୋଦୟର ବିକାଶ ହେଲେ ଦେଶର ବିକାଶ ହୋଇପାରିବ ପ୍ରଧାମନ୍ତ୍ରୀ କହିଥିଲେ । ତେଣୁ ଦେଶର ପୂର୍ବରେ ଥିବା ଓଡ଼ିଶାର ବିକାଶ ପ୍ରଥମ । ବିକାଶ ଯାତ୍ରାରେ ଓଡ଼ିଶା ହେବ ପ୍ରଥମ ବଗି । ସଡକ ପଥ, ଆକାଶ ପଥ, ରେଳପଥ ଓ ଜଳପଥର ବିକାଶ କରି ଏକ ସ୍ବର୍ଣ୍ଣିମ ଯୁଗ ଆରମ୍ଭ ହେବ । ''
ଜନତାଙ୍କ ସେବାରେ ୧୦୦ ଦିନ
— Mohan Charan Majhi (@MohanMOdisha) September 19, 2024
ଓଡ଼ିଶାବାସୀଙ୍କ ସେବାରେ ଆଜି ଆମ ସରକାରକୁ ୧୦୦ ଦିନ ପୂରଣ କରିଛି। ଓଡ଼ିଶାର ୪.୫କୋଟି ଜନସାଧାରଣଙ୍କ ଆଶା-ଆକାଂକ୍ଷା ପୂରଣ ସହ 'ବିକଶିତ ଓଡ଼ିଶା' ନିର୍ମାଣ ପାଇଁ ଲୋକଙ୍କ ସରକାର ପ୍ରତିଶ୍ରୁତିବଦ୍ଧ। ଲୋକାଭୀମୁଖୀ ଯୋଜନାର ସଫଳ ରୂପାୟନ ଦ୍ଵାରା ଓଡ଼ିଶାର ସର୍ବାଙ୍ଗୀନ ବିକାଶ ଏବଂ ପ୍ରଧାନମନ୍ତ୍ରୀଙ୍କ… pic.twitter.com/t87sfBNIwB
2036 ସୁଦ୍ଧା ସମୃଦ୍ଧ ଓଡିଶା:
ମୁଖ୍ୟମନ୍ତ୍ରୀ ଆଉ ଏକ ବଡ ଘୋଷଣା କରି କହିଥିଲେ ଯେ, ''ଆସନ୍ତା 5 ବର୍ଷରେ ସମୃଦ୍ଧ ଓଡ଼ିଶା ଗଠନର ମୂଳଦୁଆ ପଡିବ । 2036 ସୁଦ୍ଧା ସମୃଦ୍ଧ ଓଡିଶା ଗଠନ ହୋଇ ସାରିଥିବ । 2047 ମସିହା ସୁଦ୍ଧା ଓଡି଼ଶା ବିକଶିତ ହୋଇସାରିଥିବ । ''
#Live : ଲୋକଙ୍କ ସରକାରକୁ ୧୦୦ ଦିନ ପୂର୍ତ୍ତି ଉପଲକ୍ଷେ ରାଜ୍ୟସ୍ତରୀୟ କାର୍ଯ୍ୟକ୍ରମ https://t.co/jfnbhUyRVb
— Mohan Charan Majhi (@MohanMOdisha) September 19, 2024
କ୍ରୀଡା କ୍ଷେତ୍ରକୁ ଗୁରୁତ୍ବ:
ସେହିପରି କ୍ରୀଡା କ୍ଷେତ୍ର ଉପରେ ମଧ୍ୟ ଗୁରୁତ୍ବ ଦେଇଥିଲେ ମୋହନ ସରକାର । ଆଗକୁ କ୍ରୀଡା କ୍ଷେତ୍ରରେ ବହୁ ଉନ୍ନତି କରାଯିବ । କ୍ରୀଡାର ବିକାଶ ନିମନ୍ତେ 952 କୋଟି ଟଙ୍କା ବ୍ୟୟ ବରାଦ ହୋଇଛି । 100 ଏକର ଜମିରେ ଭୁବନେଶ୍ବରରେ ଏକ ବିଶ୍ବସ୍ତରୀୟ କ୍ରୀଡା କେନ୍ଦ୍ର ସ୍ଥାପନ କରାଯିବ ।
ରାଜ୍ୟରେ 100 ଦିନ ପୂରଣ କରିଛନ୍ତି ମୋହନ ସରକାର । ଶହେ ଦିନରେ ରାଜ୍ୟବାସୀ ପାଇଁ କଣ କରିଛନ୍ତି ଗତକାଲି(୧୯ ସେପ୍ଟେମ୍ବର) ପୁରୀ ଶରଧାବାଲିରେ ଆୟୋଜିତ କାର୍ଯ୍ୟକ୍ରମରେ ଗୋଟି ଗୋଟି କରି ହିସାବ ଦେଇଥିଲେ ମୁଖ୍ୟମନ୍ତ୍ରୀ ମୋହନ ମାଝୀ । ଏଥି ସହ ଆଗକୁ କଣ କଣ କରାଯିବ, ସେ ନେଇ ମଧ୍ୟ ସୂଚନା ଦେଇଥିଲେ ।
