ରାୟଗଡ଼ା: କାର୍ଯ୍ୟରେ ଅବହେଳା ଯୋଗୁଁ ଶିକ୍ଷକ ନିଲମ୍ବିତ । ଏଭଳି ଘଟଣା ଦେଖିବାକୁ ମିଳିଛି ରାୟଗଡା ଜିଲ୍ଲା କେରେଡା ଆଶ୍ରମ ବିଦ୍ୟାଳୟରେ । ସ୍କୁଲର ସଂସ୍କୃତ ଶିକ୍ଷକ ମହେନ୍ଦ୍ର କୁମାର ତ୍ରିପାଠୀଙ୍କୁ କୋରୋନା ସମ୍ବନ୍ଧୀୟ ସରକାରୀ କାର୍ଯ୍ୟ ପାଇଁ ରୋଷ୍ଟର ଡ୍ୟୁଟିରେ ଗତ 30 ତାରିଖରୁ ଏପ୍ରିଲ 6 ପର୍ଯ୍ୟନ୍ତ ସ୍କୁଲରେ ରହିଵାକୁ ନିର୍ଦ୍ଦେଶ ଦିଆଯାଇଥିଲା । ହେଲେ ସେ କାର୍ଯ୍ୟରେ ଯୋଗ ଦେଇନଥିଲେ ।
ଏନେଇ ବିଭାଗ ପକ୍ଷରୁ ତାଙ୍କୁ କାରଣ ଦର୍ଶାଅ ନୋଟିସ ମଧ୍ୟ ଦିଆଯାଇଥିଲା । କିନ୍ତୁ କାରଣ ଦର୍ଶାଅ ନୋଟିସର ସେ କୌଣସି ଉତ୍ତର ଦେଇନଥିଲେ । ତେବେ ବୁଧବାର ରାୟଗଡା ଜିଲ୍ଲାପାଳ ପ୍ରମୋଦ କୁମାର ବେହେରା ଅଚାନକ ସ୍କୁଲ ପରିଦର୍ଶନରେ ଯାଇଥିଲେ । ସଂପୃକ୍ତ ଶିକ୍ଷକଙ୍କ ଅନୁପସ୍ଥିତି ଦେଖି ଜିଲ୍ଲାପାଳ ତାଙ୍କୁ ନିଲମ୍ବିତ କରିଛନ୍ତି ।
ରାୟଗଡ଼ାରୁ ରଞ୍ଜନ ରଥ, ଇଟିଭି ଭାରତ
