ରାୟଗଡା: ଜିଲ୍ଳାର ଶେଷଖାଲ ଥାନା ପିତାମହଲ ନିକଟରେ ସଡକ ଦୁର୍ଘଟଣା । ଏଥିରେ ଜଣଙ୍କର ମୃତ୍ୟୁ ଘଟିଥିବା ବେଳେ ଆଉ 2 ଗୁରୁତର ଆହତ ହୋଇଛନ୍ତି । ତେବେ (ଆଜି) ଗୁରୁବାର ସକାଳ ସମୟରେ ପିତାମହଲ ପେଟ୍ରୋଲ ପମ୍ପ ନିକଟ ରାସ୍ତା କଡରେ ଠିଆ ହୋଇଥିବା ଏକ ଟ୍ରକ ପଛପଟକୁ ଆଉ ଏକ ମିନି ଟ୍ରକ ଧକ୍କା ଦେଇଥିଲା । ଫଳରେ ମିନି ଟ୍ରକରେ ବସିଥିବା ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଛି । ଏହି ମିନି ଟ୍ରକଟି ରାଉରକେଲାରୁ ଆନ୍ଧ୍ରପ୍ରଦେଶ ବେପାର ପାଇଁ ଆମ୍ବ ଆଣିବାକୁ ଯାଉଥିବା ବେଳେ ଏହି ଦୁର୍ଘଟଣା ଘଟିଛି ।
ରାୟଗଡାରେ ଟ୍ରକକୁ ପିଟିଲା ମିନି ଟ୍ରକ, ଜଣେ ମୃତ, 2 ଗୁରୁତର
ଏହି ଦୁର୍ଘଟଣାରେ ମୃତ ବ୍ୟକ୍ତି ଜଣକ ହେଲେ ରାଉରକେଲାର ଫଳ ବ୍ୟବସାୟୀ ସଞ୍ଜୁ ଶଙ୍କର ବୋଲି ଜଣାପଡ଼ିଛି । ମିନି ଟ୍ରକର ଡ୍ରାଇଭର ସହ ବସିଥିବା ଆଉ ଜଣେ ବ୍ୟକ୍ତି ଗୁରୁତର ଆହତ ହୋଇଛନ୍ତି । ସ୍ଥାନିୟ ଲୋକେ ଆହତଙ୍କୁ ଉଦ୍ଧାର କରି ରାୟଗଡା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଛନ୍ତି । ଦୁର୍ଘଟଣା ପରେ ଶେଷଖାଲ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
