ରାୟଗଡା: ରାଜ୍ୟ ସରକାରଙ୍କ ତୀର୍ଥଯାତ୍ରା ଯୋଜନାରେ ରାୟଗଡା ଜିଲ୍ଲାର 97ଜଣ ବରିଷ୍ଠ ନାଗରିକଙ୍କୁ ନେଇ ଆରମ୍ଭ ହୋଇଛି ତୀର୍ଥଯାତ୍ରା । ବରିଷ୍ଠ ନାଗରିକଙ୍କୁ ନେଇ ଜିଲ୍ଲା ସଂସ୍କୃତି ଭବନରୁ ବାହାରିଥିବା ଦୁଇଟି ବସକୁ ଜିଲ୍ଲାପାଳ ପ୍ରମୋଦ କୁମାର ବେହେରା ପତାକା ଦେଖାଇ ଶୁଭାରମ୍ଭ କରିଛନ୍ତି ।
ଗଡିଲା ରାଜ୍ୟ ସରକାରଙ୍କ ତୀର୍ଥଯାତ୍ରୀ ବସ, 97 ବରିଷ୍ଠ ନାଗରିକ ସାମିଲ
ସୂଚନା ଅନୁସାରେ, ବସ ଦୁଇଟିରେ ଜିଲ୍ଲାର 43ଜଣ ମହିଳା ଓ 54 ଜଣ ପୁରୁଷ ବରିଷ୍ଠ ନାଗରିକ ବ୍ରହ୍ମପୁର ପହଞ୍ଚିବା ପରେ ସେଠାରୁ ଟ୍ରେନ ଯୋଗେ ତିରୁପତି, ମଦୁରାଇ, ରାମେଶ୍ବର ଆଦି ବହୁ ତୀର୍ଥକ୍ଷେତ୍ର ଭ୍ରମଣର କାର୍ଯ୍ୟକ୍ରମ ରହିଛି । ଏହି ଅବସରରେ PD DRDA ଅମୃତ ଋତୁରାଜ, ଉପ-ଜିଲ୍ଲାପାଳ ପ୍ରତାପ ଚନ୍ଦ୍ର ପ୍ରଧାନ, ଟୁରିଷ୍ଟ ଅଫିସର ପ୍ରମୁଖ ଉପସ୍ଥିତ ଥିଲେ ।
ରାୟଗଡାରୁ ରଞ୍ଜନ କୁମାର ରଥ, ଇଟିଭି ଭାରତ
