ରାୟଗଡା: ଜିଲ୍ଲା କାଶୀପୁର ବ୍ଲକ ମାଇକଞ୍ଚ ଠାରେ ଜଳ, ଜମି, ଜଙ୍ଗଲ ଓ ପରିବେଶର ସୁରକ୍ଷା ପାଇଁ ବିଦେଶୀ କମ୍ପାନୀ ବିରୋଧରେ ଲଢେଇକରି ତିନି ଜଣ ସ୍ଥାନୀୟ ବାସିନ୍ଦା ଦାମୋଦର, ଅଭିଳାଷ ଓ ରଘୁନାଥ ୧୭ ଡିସେମ୍ବର ୨୦୦୦ ଦିନ ପୋଲିସ ଗୁଳିରେ ପ୍ରାଣ ହରାଇଥିଲେ । ଗୁଳିକାଣ୍ଡରେ ପୋଲିସ ଗୁଳିରେ ମୃତ ହୋଇଥିବା ଆଦିବାସୀଙ୍କ ଶ୍ରଦ୍ଧାଞ୍ଜଳି ଉପଲକ୍ଷେ ମାଇକଞ୍ଚ ଶହୀଦ ସ୍ତମ୍ବ ଓ ବାଗ୍ରୀଝୋଲା ଠାରେ ୨୦ ତମ ଶହୀଦ ଦିବସ ପାଳିତ ହୋଇଯାଇଛି ।
କାରଖାନା ପ୍ରତିଷ୍ଠାକୁ ବିରୋଧ କରି ସଂଗ୍ରାମ କରୁଥିବା ପ୍ରାକୃତିକ ସୁରକ୍ଷା ମଞ୍ଚର ତିନି ଆଦିବାସୀ ମଧ୍ୟରୁ ମାଇକଞ୍ଚ ଗ୍ରାମର ଅଭିଳାଷ ଝୋଡିଆ ଏବଂ ବାଗ୍ରୀଝୋଲା ଗ୍ରାମର ଦାମଦୋର ଝୋଡିଆ,ରଘୁନାଥ ଝୋଡିଆ ପୋଲିସ ଗୁଳିରେ ମୃତ୍ୟୁବରଣ କରିଥିଲେ ।
ଏହି ଘଟଣାପରେ ମୃତ ବ୍ୟକ୍ତିଙ୍କ ସ୍ମୃତି ନିମନ୍ତେ ପ୍ରତିବର୍ଷ ମୃତ ପରିବାର ଲୋକେ ଏବଂ ସଂଗ୍ରାମୀମାନେ ଏକତ୍ରିତ ହୋଇ ଏହି ଶହୀଦ ଦିବସ ପାଳିଥାନ୍ତି । ଏହି ବର୍ଷ ମଧ୍ୟ ମୃତ ପରିବାର ଲୋକେ, ଆଦିବାସୀ ଏକତା ପରିଷଦ ଏବଂ ଗ୍ରାମବାସୀ ଶହୀଦ ସ୍ତମ୍ବ ନିକଟକୁ ଯାଇ ପୂଜାର୍ଚ୍ଚନା କରିବା ସହ ଶହୀଦ ଦିବସ ପାଳନ କରିଥିଲେ ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
