ରାୟଗଡା: ଖୁବଶିଘ୍ର ନବକଲେବର ହେବ ରାୟଗଡା ରେଳ ଷ୍ଟେସନ । ଏହି ରେଳ ଷ୍ଟେସନରେ ମିଳିବ ବିଶ୍ବସ୍ତରୀୟ ସୁବିଧା ସୁଯୋଗ, ଯାହାକୁ ନେଇ ଏବେ କର୍ତ୍ତୃପକ୍ଷ କରୁଛନ୍ତି ଜୋରଦାର ପ୍ରୟାସ । ଆନ୍ଧ୍ର ପ୍ରଦେଶ ବିଭାଜନ 2014 ଆଇନ ଅନୁସାରେ ରେଳ ମନ୍ତ୍ରଣାଳୟ ଏକ ନୂତନ ଯାହା ସାଉଥକୋ ଭାବେ ପ୍ରତିଷ୍ଠା ହେବା ପରେ ରାୟଗଡା ଷ୍ଟେସନର ଭାଗ୍ୟ ମଧ୍ୟ ବଦଳିବାକୁ ଯାଉଛି ।
କାରଣ କିଛି ଅଞ୍ଚଳ ଭାଗ ଭାଗ ହେବାପରେ ସାଉଥକୋ ର ମୁଖ୍ୟାଳୟ ବିଜୟୱାଡା ଠାରେ ସ୍ଥାପିତ ହୋଇଛି । ଫଳରେ ଅନ୍ୟକିଛି ଅଞ୍ଚଳକୁ ମିଶାଇ ରାୟଗଡାରେ ଏକ ନୂତନ ଡିଭିଜନ କରାଯାଇଛି। ଯାହା ଫଳରେ ଦକ୍ଷିଣ ଓଡିଶାର ଏହି ଷ୍ଟେସନରେ ଆସିଛି ଅନେକ ପରିବର୍ତ୍ତନ ଘଟିବ । ବିଶ୍ବସ୍ତରୀୟ ରେଳ ଷ୍ଟେସନ କାମ ଆସନ୍ତା ସେପ୍ଟେମ୍ବର ସୁଦ୍ଧା ଆରମ୍ଭ କରିବାକୁ ଲକ୍ଷ୍ୟ ରଖିଛି ରେଳବିଭାଗ ।
ଆସନ୍ତା ସେପ୍ଟେମ୍ବର ସୁଦ୍ଧା ଆଇଏସଓ-୧୪୦୦୧ ସାର୍ଟିଫିକେଟର ମାନ୍ୟତା ପାଇବା ପରେ ଆନୁସଙ୍ଗୀକ କାର୍ଯ୍ୟ ଆରମ୍ଭ ହେବ । ଆଇଏସଓ ମାନ୍ୟତା ପାଇଁ ନୂଆଦିଲ୍ଲୀ ସ୍ଥିତ ଆଇଏସଓ ସଂସ୍ଥାର ଦୁଇ ଜଣିଆ ସଦସ୍ୟ ଇତି ମଧ୍ୟରେ ରାୟଗଡା ଆସି ଭିତ୍ତିଭୂମି ଯାଞ୍ଚ କରିବା ସହ ଆବଶ୍ୟକ ପରାମର୍ଶ ଦେଇ ଫେରିଛନ୍ତି । ପୁଣି ଆଇଏସଓର ଅଧିକାରୀ ସେପ୍ଟେମ୍ବରରେ ପୁଣି ଥରେ ଯାଞ୍ଚ ପାଇଁ ଆସିବେ।
ପୁର୍ବତଟ ରେଳ ପଥର 6ଟି ରେଳଷ୍ଟେସନକୁ ବିଶ୍ବସ୍ତରୀୟ କରିବା ନିମନ୍ତେ ପ୍ରକ୍ରିୟା ଆରମ୍ଭ ହୋଇଥିବା ବେଳେ ସେହି ତାଲିକାରେ ରହିଛି ରାୟଗଡ଼ା ଷ୍ଟେସନ । ଯାହା ରାୟଗଡା ବାସୀଙ୍କ ପାଇଁ ଆଣିଛି ଖୁସୀ ଖବର।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
