ରାୟଗଡା: ଜିଲ୍ଲାରେ ଲକଡାଉନର ପ୍ରଭାବ ବେଶ ପରିଲକ୍ଷିତ ହୋଇଥିବା ବେଳେ, କୋଭିଡ-19 ଆଇନକୁ କଡାକଡି କରିଛି ଜିଲ୍ଲା ପୋଲିସ । ସାମାଜିକ ଦୂରତା ବଜାଇ ରଖିବା ପାଇଁ ମୋଟର ସାଇକେଲ ଉପରେ କଟକଣା ଲଗାଯାଇଥିବା ବେଳେ, ନିଆରା ଢଙ୍ଗରେ ସାଇକେଲରେ ମୁନିଗୁଡା ପୋଲିସ ପାଟ୍ରୋଲିଂ କରି ସୃଷ୍ଟି କଲା ଉଦାହରଣ ।
ପରିବା କିମ୍ବା ଦୈନନ୍ଦିନ ହେଉ ସଉଦା ବାହାନାରେ ସହରଠୁ ଆରମ୍ଭ କରି ଗାଁ ପର୍ଯ୍ୟନ୍ତ ମାଳମାଳ ବାଇକ ଘୁରି ବୁଲୁଥିବା ବେଳେ ପ୍ରଶାସନ ବାଇକ ଉପରେ ସମ୍ପୂର୍ଣ ନିଷେଧାଦେଶ ଜାରି କରିଛି । ତେବେ ବୁଧବାର ମୁନିଗୁଡା ପୋଲିସ ଦ୍ବାରା ସାଇକେଲରେ ପାଟ୍ରୋଲିଂ ନିଶ୍ଚିତ ଭାବେ ଲୋକଙ୍କ ମଧ୍ୟରେ ସଚେତନତା ସୃଷ୍ଟି କରିପାରିଛି । ଜିଲ୍ଲାରେ ଇତି ମଧ୍ୟରେ ଆଇନ ଉଲ୍ଲଂଘନ ଅଭିଯୋଗରେ 138ଟି କେସ କରାଯାଇଥିବା ବେଳେ 428 ଜଣକୁ ଅଟକ ରଖି ତାଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିବା ଏସ ପି ଡ. ସର୍ବଣ ବିବେକ ଏମ ପ୍ରକାଶ କରିଛନ୍ତି । ସେହିପରି ଜିଲ୍ଲାର ବିଭିନ୍ନ ଥାନାରେ 138ଟି ବାଇକ ଓ 5ଟି 4ଚକିଆ ଯାନକୁ ଜବତ କରାଯାଇ ଥିବା ଜଣାଯାଇଛି ।
ରାୟଗଡ଼ାରୁ ରଞ୍ଜନ ରଥ, ଇଟିଭି ଭାରତ
