ରାୟଗଡା: ଅସାମାଜିକ ଯୁବକଙ୍କ ଉପରେ ଲଗାମ ଲଗାଇବାକୁ ପୋଲିସ ଆପଣେଇଛି ବିଭିନ୍ନ ପ୍ରକାର ଉପାୟ । କେତବେଳେ ସାଧା ପୋଷାକରେ ତ କେତବେଳେ ବର୍ଦ୍ଦିରେ ।
ରୋଡ ରୋମିଓଙ୍କ ଉଚ୍ଚ ଶବ୍ଦ ଜନିତ ସାଇଲେନ୍ସର, ମୋବାଇନ ଧରି ଡ୍ରାଇଭିଂ ଓ ଦୃତ ଗତିରେ ଗାଡି ଚାଳନାକୁ ଜବତ କରିବାରେ ଲାଗି ପଡିଛି ପୋଲିସ । ସହରରେ ଦୀର୍ଘଦିନରୁ ଅସାମାଜିକ ଯୁବକଙ୍କ ଦୌରାତ୍ମ୍ୟ ବଢିବାରେ ଲାଗିଥିବାବେଳେ ଏବେ ପୋଲିସଙ୍କ ଚଢାଉ ସେମାନଙ୍କ ନିଦ ହଜାଇଦେଇଛି । ଅନେକ ସମୟରେ ନିଶା ଦ୍ରବ୍ୟ ସେବନ କରି ବେପରୁଆ ଗାଡି ଚଲାଇବା ଦ୍ବାରା ଦୁର୍ଘଟଣା ଘଟି ଅନେକ ଧନ ଜୀବନ ନଷ୍ଟ ହେଉଛି ।
ଯାହାକୁ ନଜରରେ ରଖି ଏବେ ପୁଲିସ ଟାର୍ଗେଟରେ ଅଛନ୍ତି ନିଶାଶକ୍ତ ଡ୍ରାଇଭର । ରାତିରେ ଡ୍ରାଇଭର ମାନେ ନିଶା ଶକ୍ତ ଅବସ୍ଥାରେ ଗାଡି ଚଲାଇ ଦୁର୍ଘଟଣାର ସମ୍ମୁଖୀନ ହେଉଥିବାରୁ ରାତିରେ ବିଭିନ୍ନ ଛକରେ ପୁଲିସ ଲଗାଇଛି ନାକା। ପ୍ରତିହତ ପାଇଁ ନିଶାଦ୍ରବ୍ୟ ଖାଇ ବେପରୁଆ ଗାଡି ଚଳାଇବା ଡ୍ରାଇଭରଙ୍କ ଲାଇସେନ୍ସ ଜବତ କରିବା ସହ ଜିଲ୍ଲାର ବିଭିନ୍ନ ଜାଗାରେ ଏଭଳି ଚେକିଂ କରାଯିବ ବୋଲି କହିଛନ୍ତି ରାୟଗଡା ଏସଡିପିଓ ତପନ ନାରାୟଣ ରଥ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
