ରାୟଗଡା: ପୁଣି ବଜ୍ରାଘାତରେ ଜଣଙ୍କ ମୃତ୍ୟୁ ଅଭିଯୋଗ । ରାୟଗଡା ଜିଲ୍ଲା ମୁନିଗୁଡା ଵ୍ଲକ ଶିଵପଦର ପଞ୍ଚାୟତ ଦୁର୍କୀଲିମା ଗ୍ରାମରେ ବଜ୍ରାଘାତରେ ଜଣଙ୍କର ମୃତ୍ୟୁ ହୋଇଥିବା ବେଳେ ଅନ୍ୟଜଣେ ଗୁରୁତର ଅବସ୍ଥାରେ ମୁନିଗୁଡା ସ୍ବାସ୍ଥ୍ୟକେନ୍ଦ୍ରରେ ଚିକିତ୍ସିତ ହେଉଛନ୍ତି।
ଉପରୋକ୍ତ ଗ୍ରାମର ପଦ୍ମନ ବାଗ ଓ ଦଣ୍ଡାସି ଟାକ୍ରୀ ଦୁଇଜଣ ଗାଁ ଆମ୍ବଗଛ ମୂଳେ କଲରାଶୁଣୀ ଦେବତାଙ୍କୁ ପୂଜା କରିବାକୁ ଯାଇଥିଲେ । ହଠାତ ବର୍ଷା ସାଙ୍ଗକୁ ଵିଜୁଳି ଘଡଘଡି ମାରିଥିଲା ।
ଉଭୟେ ସେଠାରୁ ପଳାଇ ଆସିବାକୁ ପ୍ରସ୍ତୁତ ହେବା ସମୟରେ ସେମାନଙ୍କ ଉପରେ ଵଜ୍ରାଘାତ ହୋଇଥିଲା। ସଙ୍ଗେସଙ୍ଗେ ଗ୍ରାମବାସୀ ଉଭୟଙ୍କୁ ଗୁରୁତର ଅବସ୍ଥାରେ 108 ଆମ୍ଵୁଲାନ୍ସ ଯୋଗେଁ ମୁନିଗୁଡା ଗୋଷ୍ଟିସ୍ଵାସ୍ଥ୍ୟ କେନ୍ଦ୍ରରେ ଭର୍ତି କରାଇଥିଲେ ।
ସେଠାରେ ପଦ୍ମନ ବାଗଙ୍କ ମୃତ୍ୟୁ ହୋଇଥିବା ବେଳେ ଦଣ୍ଡାସୀ ଟାକ୍ରୀଙ୍କ ଅବସ୍ଥା ଗୁରୁତର ଥିବା ଡାକ୍ତର କହିଛନ୍ତି। ବଜ୍ରାଘାତରେ ଜଣେ ମୃତ ହୋଇଥିବାବେଳେ ଅନ୍ୟଜଣେ ଗୁରୁତର ହୋଇଛନ୍ତି ।
ରାୟଗଡାରୁ ରଞ୍ଜନ କୁମାର ରଥ, ଇଟିଭି ଭାରତ
