ରାୟଗଡା: ଆରମ୍ଭ ହୋଇଛି ପରିବହନ ବିଭାଗର ଧରପଗଡ଼ ଅଭିଯାନ । ଅବଧୀ ଶେଷ ପରେ ପରିବହନ ବିଭାଗ ଏବେ ଆକ୍ସନ ମୁଡ଼ରେ । ଅଜିଠାରୁ ପରିବହନ ବିଭାଗ ଧରପଗଡ଼ ପାଇଁ ଅଟାଂ ଭିଡ଼ିଥିବା ବେଳେ ପ୍ରଥମ ଦିନରେ ହିଁ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି । ରାୟଗଡାରେ ଜିଲ୍ଲାରେ ଜଣେ ଟ୍ରକ ଡ୍ରାଇଭରଙ୍କୁ ସର୍ବାଧିକ ଜୋରିମାନା ହୋଇଥିବା ଜଣାପଡିଛି ।
ଟ୍ରକ ଡ୍ରାଇଭରଙ୍କର କଟିଲା 1 ଲକ୍ଷ 10 ହଜାର 8 ଶହ ଟଙ୍କାର ଚାଲାଣ
ରାୟଗଡ଼ା ଆଞ୍ଚିଳିକ ପରିବହନ ଅଧିକାରୀ ଦିଲିପ କୁମାର ଦଳେଇ ପୁଲିସ ସହାୟତାରେ ସହର ଉପକଣ୍ଠସ୍ଥିତ ଖଲିଗୁଡ଼ା ଠାରେ ବିଭିନ୍ନ ଗାଡ଼ି ଯାଞ୍ଚ କରିଥିଲେ । ଏହି ସମୟରେ ବିଶାଖାପାଟଣାରୁ ଜେକେ କାଗଜକଳକୁ ଝାଉଁ କାଠ ନେଇ ଆସୁଥିବା ଏକ ଟ୍ରକକୁ ଯାଞ୍ଚ ସମୟରେ ଉକ୍ତ ଗାଡ଼ିରେ ପରିମିଟ କିମ୍ବା ଓଡ଼ିଶା ଟ୍ୟାକ୍ସ ପୈଠ କରିନଥିବା ଜଣା ପଡ଼ିଥିଲା । ଫଳରେ ଉକ୍ତ ଟ୍ରକଟିକୁ ଏକ ଲକ୍ଷ ୧୦ ହଜାର ୮ ଶହ ଟଙ୍କା ଜୋରିମାନା ପକାଇଛନ୍ତି । ଯାହାକି ସାରା ରାଜ୍ୟ ପାଇଁ ସର୍ବାଧିକ ଜୋରିମାନା ବୋଲି ଜଣାପଡ଼ିଛି ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
