ରାୟଗଡା: ଗୁମା ଘାଟିରେ ମର୍ମନ୍ତୁଦ ସଡକ ଦୁର୍ଘଟଣା । ବୋଲେରୋ ସହ ବାଇକର ମୁହାଁମୁହିଁ ଧକ୍କା । ଫଳରେ ଘଟଣାସ୍ଥଳରେ ଜଣକର ମୃତ୍ୟୁ ହୋଇଥିବା ବେଳେ ଜଣେ ଆହତ ହୋଇଛନ୍ତି । ଆଜି ଦ୍ବିପହର ପ୍ରାୟ ୨ଟା ସମୟରେ ଏହି ମର୍ମନ୍ତୁଦ ସଡକ ଦୁର୍ଘଟଣା ହୋଇଥିବା ବେଳେ ଆହତଙ୍କୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି ।
ଏହା ମଧ୍ୟ ପଢନ୍ତୁ: ଘାଟିରେ ଓଲଟିଲା ଯାତ୍ରୀବାହୀ ବସ, ୫ ଶିଶୁଙ୍କ ସମେତ ୩୦ ଗୁରୁତର
ସୂଚନାଅନୁସାରେ, ୩ଜଣ ବ୍ୟକ୍ତି ରାୟଗଡ଼କୁ କୌଣସି କାମରେ ଯାଇ ଫେରିଥୁବା ବେଳେ ରାୟଗଡ଼ କୋରାପୁଟ ଜିଲ୍ଲା ସୀମାନ୍ତ ଗୁମା ଘାଟିରେ ଏକ ବୋଲେରୋ ସହ ମୁହାଁମୁହିଁ ଧକ୍କା ହୋଇଥିଲା । ବାଇକର ୩ଜଣ ରହିଥିବା ବେଳେ ଘଟଣାସ୍ଥଳରେ ଯୁବକଙ୍କ ମୃତ୍ୟୁ ହୋଇଛି । ମୃତକ ହେଲେ କାଶୀପୁର ବ୍ଲକର ଶଙ୍କରଡ଼ା ପଞ୍ଚାୟତର ଏକଡେଲି ଗ୍ରାମର ବାସିନ୍ଦା ରମେଶ ମାଝି । ବୟସ ୩୧ ବର୍ଷ । ତେବେ ରମେଶଙ୍କ ମୃତ୍ୟୁ ହୋଇଥିବା ବେଳେ ପତ୍ନି ଓ ସ୍ତ୍ରୀ ଅଳ୍ପକେ ବଡ ବିପଦରୁ ବର୍ତ୍ତି ଯାଇଛନ୍ତି । ପତ୍ନୀ ଚାନ୍ଦିନୀଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି । ତେବେ ସୌଭାଗ୍ୟବଶତଃ 2ବର୍ଷର ଶିଶୁ ଶିବାନୀ କିଛି ହୋଇନଥିବା ଜଣାପଡିଛି ।
ଖବରପାଇ କୁମ୍ଭୀକଟା ପୋଲିସ ଘଟଣାସ୍ଥଳରେ ପହଞ୍ଚି ବୋଲେରୋକୁ ଜବତ କରିବା ସହ ତଦନ୍ତ ଆରମ୍ଭ କରିଛି । ଏହି ଘଟଣାକୁ ନେଇ ସ୍ଥାୀୟଲୋକେ ମୃତକଙ୍କ ପରିବାରକୁ କ୍ଷତି ପୂରଣ ଦେବାକୁ ଦାବି କରିବା ସହ ରାସ୍ତା ଅବରୋଧ କରିଥିଲେ । ଘଟଣାସ୍ଥଳରେ ଉପଜିଲ୍ଲାପାଳ ପହଞ୍ଚି ଲୋକଙ୍କୁ ବିଝାସୁଝା କରିବା ପରେ ରାସ୍ତାରେକ ହଟିଥିଲା । ଏହି ଘାଟିରେ ପ୍ରାୟ ଦୁର୍ଘଟଣା ଘଟୁଥିଲେ ସୁଦ୍ଧା ପ୍ରଶାସନ ଏଥିପ୍ରତି ଦୃଷ୍ଟି ଦେଉ ନଥିବା ଅଭିଯୋଗ କରିଥିଲେ ସ୍ଥାନୀୟଲୋକେ ।
ଇଟିଭି ଭାରତ, ରାୟଗଡା
