ରାୟଗଡ଼ା: ରାଜ୍ୟ ସରକାର କୋରୋନାକୁ ନେଇ ମାସ୍କ ପିନ୍ଧିବା ବାଧ୍ୟତାମୂଳକ କରିଥିବା ବେଳେ ରାୟଗଡା ଜିଲ୍ଲାର ଟିକିରିରେ ମଧ୍ୟ ଏହାର ପ୍ରଭାବ ପଡିଛି । ବାଇକ ଏବଂ ଚାରିଚକିଆ ଯାନ ସହର ମଧ୍ୟକୁ ଛଡ଼ା ଯାଉନଥିବା ବେଳେ କଡାକଡି ହୋଇଛି ମାସ୍କ ଚେକିଙ୍ଗ । ଟିକିରି, ଦୋରାଗୁଡା, କାଶିପୁର ଥାନା ଅଞ୍ଚଳରେ ଚେକିଙ୍ଗ ଯେଜୋରଦାର ଚାଲିଥିବା ବେଳେ ମାସ୍କ ନାହିଁ ତ ପେଟ୍ରୋଲ ନାହିଁ ନିୟମକୁ କଡାକଡି କରିଛନ୍ତି ପେଟ୍ରୋଲ ପମ୍ପ ମାଲିକ ।
ମାସ୍କ ନାହିଁ ତ ପେଟ୍ରୋଲ ନାହିଁ
ଏପରି କି କାଶୀପୁର ତହସିଲଦାର ଶରତ ଶବର ଟିକିରି ଥାନା ଓ ଦୋରାଗୁଡା ଥାନା ଅଞ୍ଚଳରୁ ମାସ୍କ ପିନ୍ଧି ନଥିବା ଲୋକଙ୍କ ଠାରୁ ଫାଇନ ଆଦାୟ ସେ ଅଞ୍ଚଳରେ କୋକୁଆ ଭୟ ସୃଷ୍ଟି କରିଛି । ସେପଟେ ଲକଡାଉନ ଚାଲିଥିବା ବେଳେ ବିଦେଶୀ ମଦ ମିଳୁନଥିବାରୁ ଗାଁ ଗାଁରେ ମାତିଛନ୍ତି ଚୋରା ଦେଶୀ ମଦ ବେପାରୀ । ଏମାନଙ୍କୁ ସାବାଡ କରିବା ପାଇଁ ଡୁଡୁକା ବାହାଲ ପଞ୍ଚାୟତ ତୋଟାଗୁଡା ଗ୍ରାମର କିଛି ମହିଳା ବାହାରି ମହୁଲ ପୋଚ ଏବଂ ମଦ ତିଆରି ସରଞ୍ଜାମ ନଷ୍ଟ କରି ଦେଇଛନ୍ତି ।
ରାୟଗଡ଼ାରୁ ରଞ୍ଜନ ରଥ, ଇଟିଭି ଭାରତ
