ରାୟଗଡା: କୋରୋନା ମୁକାବିଲା ପାଇଁ ଆଣ୍ଟିଜେନ ଟେଷ୍ଟ ନେଇ ଜନସାଧାରଣଙ୍କ ସହଯୋଗ ଆହ୍ୱାନ କଲା ଜିଲ୍ଲା ପ୍ରଶାସନ। । ଆଗାମୀ ଦିନରେ ଜିଲ୍ଲାରେ ଅଧିକରୁ ଅଧିକ କୋରୋନା ଆଣ୍ଟିଜେନ ଟେଷ୍ଟ କରାଇବାକୁ ରାୟଗଡା ଜିଲ୍ଲା ପ୍ରଶାସନ ପ୍ରସ୍ତୁତି କରିଥିବା ବେଳେ ଲୋକଙ୍କ ସହଯୋଗ ପାଇଁ ଆହ୍ୱାନ କରିଛନ୍ତି ଜିଲ୍ଳାପାଳ ପ୍ରମୋଦ କୁମାର ବେହେରା।
ଆଜି (ବୁଧବାର) ସନ୍ଧ୍ୟାରେ ସହରର ବିଭିନ୍ନ ବର୍ଗର ପ୍ରତିନିଧିଙ୍କୁ ନେଇ ସ୍ଥାନୀୟ DRDA ସମ୍ମିଳନୀ କକ୍ଷରେ ଜିଲ୍ଲାପାଳଙ୍କ ଅଧକ୍ଷତାରେ ଏଥିପାଇଁ ଏକ ବୈଠକ ଅନୁଷ୍ଠିତ ହୋଇଥିଲା । ବୈଠକରେ ଜିଲ୍ଲା ଆରକ୍ଷୀ ଅଧିକ୍ଷକ, ଅତିରିକ୍ତ ଜିଲ୍ଲାପାଳ, PD DRDA, ଜିଲ୍ଲା ମୁଖ୍ୟ ଚିକତ୍ସା ଅଧିକାରୀ ସମେତ ବହୁ ବରିଷ୍ଠ ଅଧିକାରୀ, ବଣିକ ସଂଘ, ସାମ୍ବାଦିକ ସଂଘର କର୍ମକର୍ତ୍ତା ଉପସ୍ଥିତ ଥିଲେ।
ଜିଲ୍ଲାରେ ଆସନ୍ତାକାଲି ( ଗୁରୁବାର) ଠାରୁ 27 ଟି ଟିମ ଦ୍ୱାରା ଆଣ୍ଟିଜେନ ଟେଷ୍ଟ କରାଯାଉଥିବା ବେଳେ ଅଧିକରୁ ଅଧିକ ଲୋକ ଯେପରି ଏଥିରେ ଭାଗନେଇ ଟେଷ୍ଟ କରାଇବେ ସେନେଇ ସମସ୍ତଙ୍କ ସହଯୋଗ କାମନା କରିଛନ୍ତି ଜିଲ୍ଲାପାଳ ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
