ରାୟଗଡା: ଲକ ଡାଉନ କଟକଣା ବାଧକ ସାଜିଛି ହୃଦ୍ ରୋଗୀଙ୍କ ପାଇଁ । ସମୟ ପୂର୍ବରୁ ଛାତିରେ ଲାଗିଥିବା ପେସ ମେକର ବ୍ୟାଟେରୀ ପରିବର୍ତ୍ତନ ନକଲେ ହୁଏ ତ ଜୀବନ ଚାଲି ଯିବାର ସମ୍ଭାବନା ରହିଛି । ଏଭଳି ଏକ ଚିତ୍ର ସାମନାକୁ ଆସିଛି ରାୟଗଡା ଜିଲ୍ଲାରେ ।
ଏ ହେଉଛନ୍ତି ରାୟଗଡା ସହରର ରଇତ କଲୋନୀରେ ରହୁଥିବା ବ୍ରଜବିହାରି ହୋନଚ ଝିଅ ଦେବୋର ହୋନଚ । 4 ବର୍ଷ ବୟସରେ ଦେବୋର ଦୁର୍ଘଟଣାର ଶିକାର ହେବା ଫଳରେ ତାଙ୍କ ଦେହରେ 2005 ଏବଂ 2012 ମସିହାରେ ଦୁଇ ଥର ପେସ ମେକର ଖଞ୍ଜାଯାଇଥିଲା ।
ନିୟମ ମୁତବକ 8 ବର୍ଷରେ ଥରେ ଏହାର ବ୍ୟାଟରି ପରିବର୍ତ୍ତନ ସହ 6 ମାସକୁ ଥରେ ପେସ ମେକେରକୁ ଯାଞ୍ଚ କରାଇବାକୁ ପଡିଥାଏ । ବର୍ତ୍ତମାନ 3ୟ ଥର ପାଇଁ ପେସ ମେକର ସାଙ୍ଗକୁ ବ୍ୟାଟେରୀ ପରିବର୍ତ୍ତନ କରିବା ଆବଶ୍ୟକ ରହିଛି ।
ତେବେ ଲକ ଡାଉନ ପାଇଁ ବାହାର ରାଜ୍ୟକୁ ଯିବାପାଇଁ ମିଳୁନାହିଁ ଅନୁମତି । ବାପା,ଝିଅ ଦୁହେଁ ପାସ୍ ଖଣ୍ଡିକ ପାଇଁ ଦୌଡ଼ି ଦୌଡ଼ି ନୟାନ୍ତ । ସେପଟେ ଗଣମାଧ୍ୟମର ହସ୍ତକ୍ଷେପ ପରେ ଚେତା ପସିଛି ପ୍ରଶାସନର । ନିଜ ଭୁଲକୁ ସୁଧାରିବାକୁ ଯାଇ ବିଶାଖାପାଟନା ଚିକିତ୍ସା ପାଇଁ ଅନୁମତି ଦେଇଛି ଜିଲ୍ଲା ପ୍ରଶାସନ । ଏନେଇ ଜରୁରୀ କାଳୀନ ଅଧିକାରୀ ନାରାୟଣ ମିଶ୍ରଙ୍କ ସହ ସାକ୍ଷାତ କରିବା ପରେ ଚିକିତ୍ସା ପାଇଁ ଆସନ୍ତା 4, 5 ତାରିଖରେ ବିଶାଖାପାଟଣା ଯିବାକୁ ଅନୁମତି ଦିଆ ଯାଇଥିବା କହିଛନ୍ତି ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
