ରାୟଗଡା: ଗୁଣୁପୁର ରାଜସ୍ୱ ବିଭାଗ ଏବଂ ଗୁଣୁପୁର ପୋଲିସର ମିଳିତ ଚଢ଼ାଉରେ ଗୁଣୁପୁର କଟୁଆଲିଗୁଡା ଗ୍ରାମ ନିକଟରେ ବଂଶଧାରା ନଦୀରୁ ଚୋରାବାଲି ଚାଲାଣ ଖବର ପାଇ ଅତର୍କିତ ଭାବେ ଚଢ଼ାଉ କରି 6 ଟି ଟ୍ରାକ୍ଟରକୁ ଜବତ କରିଛି ରାଜସ୍ୱ ବିଭାଗ । ସେଥି ମଧ୍ୟରୁ 2ଟି ଟ୍ରାକ୍ଟରରେ ବାଲି ଲୋଡିଂ ଥିବା ବେଳେ ଅନ୍ୟ ଚାରୋଟି ଖାଲି ଟ୍ରାକ୍ଟର ଥିବା ଜଣାପଡିଛି । ଏହି ମାମଲାରେ ଗାଡି ମାଲିକଙ୍କ ଠାରୁ 55 ହଜାର ଟଙ୍କା ଫାଇନ ଆଦାୟ କରାଯାଇ ଥିବା ଗୁଣୁପୁର ତହସିଲଦାର ଶରତ ନାୟକ କହିଛନ୍ତି ।
ବାଲି ଚୋରା ଚାଲାଣ ଉପରେ ପୋଲିସ ଏବଂ ରାଜସ୍ୱ ବିଭାଗର ଚଢାଉ: ୬ଟ ଟ୍ରାକ୍ଟର ଜବତ
ଏହି ଚଢ଼ାଉରେ ଗୁଣୁପୁର ଆଦର୍ଶ ଥାନା ପୋଲିସ ଅଧିକାରୀ ରବୀନ୍ଦ୍ର ଗୌଡ଼, ରାଜସ୍ୱ ନିରୀକ୍ଷକ ପି ମାଣକାନ୍ତାଙ୍କ ସହ ଏକ ପ୍ଲାଟୁନ ପୋଲିସ ଫୋର୍ସ ସାମିଲ ହୋଇଥିଲେ । ଅନ୍ୟପଟେ ବଂଶଧାରା ନଦୀରୁ ପ୍ରତିଦିନ ଜିଲ୍ଲା ପ୍ରଶାସନ ଏବଂ ପୋଲିସର ଜାଣତରେ ଚୋରା ବାଲି ଚାଲାଣ ହେଉଥିବା ବେଳେ କୋଟି କୋଟି ଟଙ୍କାର ରାଜସ୍ୱ ରାଜ୍ୟ ସରକାର ହରାଉଥିବା ଜଣାପଡିଛି ।
ରାୟଗଡାରୁ ରଞ୍ଜନ କୁମାର ରଥ, ଇଟିଭି ଭାରତ
