ଶାଗୁଆନ କାଠ ସହ ମିନି ଟ୍ରକ୍ ଜବତ, 2ଗିରଫ

ରାୟଗଡ଼ା ଜିଲ୍ଲାର ମୁନିଗୁଡ଼ା ରେଞ୍ଜ ଦୁର୍ଗୀ ସେକ୍ସନର କାଚାପାଇ ଗ୍ରାମ ନିକଟରୁ ବିପୁଳ ପରିମାଣର ଶାଗୁଆନ କାଠ ସହ ବ୍ୟବହୃତ ମିନି ଟ୍ରକକୁ ଜବତ କରିଛି ବନବିଭାଗ ।

ରାୟଗଡ଼ା: ଜିଲ୍ଲାର ମୁନିଗୁଡ଼ା ରେଞ୍ଜ ଦୁର୍ଗୀ ସେକ୍ସନର କାଚାପାଇ ଗ୍ରାମ ନିକଟରୁ ବିପୁଳ ପରିମାଣର ଶାଗୁଆନ କାଠ ସହ ବ୍ୟବହୃତ ମିନି ଟ୍ରକକୁ ଜବତ କରିଛି ବନବିଭାଗ । ଏହାସହ 2ଜଣ କାଠ ମାଫିଆଙ୍କୁ ଗିରଫ କରାଯାଇଛି।

ଜବତ କାଠର ଆନୁମାନିକ ମୂଲ୍ୟ 3 ଲକ୍ଷରୁ ଊର୍ଦ୍ଧ୍ବ ହେବ । ଏହି କାଠ ଆନ୍ଧ୍ର ପ୍ରଦେଶର ଶ୍ରୀକାକୁଲମ ଅଞ୍ଚଳକୁ ଯାଉଥିଲା । ଗୁରୁବାର ରାତିରେ ବନ ବିଭାଗ କୌଣସି ସୂତ୍ରରୁ ଖବର ପାଇ ଚଢ଼ାଉ କରି କାଠ ସହ ଗାଡ଼ି ଜବତ କରିଥିବା ବେଳେ ଅଭିଯୁକ୍ତ 2ଜଣଙ୍କୁ କୋର୍ଟ ଚାଲାଣ କରାଯାଇଛି।

ରାୟଗଡାରୁ ରଞ୍ଜନ ରଥ, ଇଟିଭି ଭାରତ