ରାୟଗଡ଼ା: ଗ୍ରୀନ ରାୟଗଡ଼ା ପକ୍ଷରୁ ବିଶ୍ବ ପରିବେଶ ଦିବସ ପାଳିତ । ଏହାର ପ୍ରତିଷ୍ଠାତା କେକେ ଜେନା, ଦୀପକ ପୃଷ୍ଟି ଓ ଅଣୁବ୍ରତ ବାରାଙ୍କ ନେତୃତ୍ବରେ ଆଜି(ରବିବାର) ସ୍ଥାନୀୟ ଗଜପତି ଛକରୁ ଏକ ଶୋଭାଯାତ୍ରା ବାହାରିଥିଲା । ଏଥିରେ ରାୟଗଡ଼ା ବିଧାୟକ ମକରନ୍ଦ ମୁଦୁଲି, ଉପ ଜିଲ୍ଲାପାଳ, ପୌର ପରିଷଦ ଅଧ୍ୟକ୍ଷ ମହେଶ ପଟ୍ଟନାୟକ, ମିଡିଆ କେୟାର୍ ସଭାପତିଙ୍କ ସମେତ ସାଇପ୍ରିୟା ୱାର୍କର୍ସ କ୍ଲବ୍, ପ୍ରଦୁଷଣ ନିୟନ୍ତ୍ରଣ, ମିଟ୍ସ୍, ଜୁପିଟର କଲେଜ୍, ଜିସିଡି ୱାର୍କର୍ସ କ୍ଲବ ପ୍ରମୁଖ ଅନୁଷ୍ଠାନ ଯୋଗଦେଇଥିଲେ ।
ସ୍ଥାନୀୟ ଗାନ୍ଧୀ ପାର୍କ ଠାରେ ଆୟୋଜିତ ସଭାରେ ବିଧାୟକ ବିଶ୍ବର ତାପମାତ୍ରା ବୃଦ୍ଧିରେ ଚିନ୍ତା ପ୍ରକଟ କରି ସମସ୍ତଙ୍କୁ ଗଛ ଲଗାଇବା ପାଇଁ ଉପଦେଶ ଦେଇଥିଲେ । ଉପଜିଲ୍ଲାପାଳ ନିଜ ବକ୍ତବ୍ୟରେ ପରିବେଶ ଦିନକୁ ଦିନ ନଷ୍ଟ ହେବା ସହ ଜଳସ୍ତର କମିଯାଉଥିବାରୁ ଉଦବେଗ ପ୍ରକାଶ କରିଥିଲେ । ଅଧ୍ୟକ୍ଷ ମହେଶ ପଟ୍ଟନାୟକ ପୌର ପରିଷଦ ଦ୍ବାରା ପରିବେଶ ସୁରକ୍ଷା ପାଇଁ ସମସ୍ତ ପ୍ରକାର କାର୍ଯ୍ୟକ୍ରମ ଗ୍ରହଣ କରାଯିବ ବୋଲି ମତ ପ୍ରକାଶ କରିଥିଲେ ।
ଇଟିଭି ଭାରତ, ରାୟଗଡ଼ା