ରାୟଗଡା: କୋଇଲା ବୋଝେଇ ଟ୍ରେନରେ ନିଆଁ । ରାୟଗଡା ଠାରୁ 10 କିଲୋମିଟର ଦୂରରେ ଥିବା ସିଙ୍ଗାପୁର ରେଳଷ୍ଟେସନ ନିକଟରେ ଟ୍ରେନରେ କୌଣସି କାରଣରୁ ନିଆଁ ଲାଗିଯାଇଥିଲା । ଟ୍ରେନର 12ଟି ବଗିରେ ନିଆଁ ଲାଗିଥିବା ସୂଚନା ।
କୋଇଲା ଵୋଝେଇ ଟ୍ରେନରେ ନିଆଁ
ଖବର ପାଇ 3ଟି ଦମକଳ ଗାଡି ପହଞ୍ଚି ନିଆଁକୁ ଆୟତ୍ତ କରିବାରେ ଲାଗିପଡିଛନ୍ତି । ସୂଚନା ଅନୁସାରେ, ବିଶାଖାପାଟଣାରୁ ମହାରାଷ୍ଟ୍ର ଯାଉଥିବା ଏକ କୋଇଲା ବୋଝେଇ ଟ୍ରେନ ରାୟଗଡା ଷ୍ଟେସନରୁ ଛାଡିବାର କିଛି ସମୟ ପରେ ଟ୍ରେନରୁ ଧୂଆଁ ବାହାରୁଥିବା ଦେଖିବାକୁ ପାଇଥିଲେ ଟ୍ରେନ ଗାର୍ଡ । ସଙ୍ଗେସଙ୍ଗେ ଟ୍ରେନ ଅଟକାଇବାକୁ ଖବର ଦେଇଥିଲେ । ସିଙ୍ଗାପୁର ଷ୍ଟେସନ ନିକଟରେ ଟ୍ରେନକୁ ଅଟକାଇ ନିଆଁକୁ ଆୟତ୍ତ କରିବାକୁ ଚେଷ୍ଟା ଜାରି ରହିଛି । ଖବର ଲେଖାଯିବା ସୁଦ୍ଧା ନିଆଁକୁ ଆୟତ୍ତ କରାଯାଇନାହିଁ ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
