ରାୟଗଡ଼ା: ସାନଭାଇର ଆକ୍ରମଣରେ ବଡ଼ଭାଇର ଶୋଚନୀୟ ମୃତ୍ୟୁ ହୋଇଛି । ରାୟଗଡ଼ା ଜିଲ୍ଲା ଚାନ୍ଦିଲି ଥାନା ଅନ୍ତର୍ଗତ ମୁକୁନ୍ଦପୁର ଗ୍ରାମରେ ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ମୃତକ ହେଲେ ମୁକୁନ୍ଦପୁର ଗ୍ରାମର ୫୧ ବର୍ଷୀୟ ବ୍ୟକ୍ତି କୁନା ନାୟକ ।
ସାନଭାଇର ଆକ୍ରମଣରେ ବଡ଼ଭାଇ ମୃତ, ଅଭିଯୁକ୍ତ ଗିରଫ
ସାନଭାଇ ରଜନୀକାନ୍ତ ନାୟକଙ୍କ ଆକ୍ରମଣରେ ଘଟଣାସ୍ଥଳରେ ହିଁ କୁନାଙ୍କ ମୃତ୍ୟୁ ହୋଇଛି । ମଙ୍ଗଳବାର ଉଭୟଙ୍କ ମଧ୍ୟରେ କୌଣସି କାରଣକୁ ନେଇ ବଚସା ହୋଇଥିଲା ଓ ଏଥିରେ ଉତକ୍ଷିପ୍ତ ହୋଇ ସାନଭାଇ ଠେଙ୍ଗାରେ ବଡ଼ ଭାଇକୁ ଆକ୍ରମଣ କରିଥିଲା । ରଜନୀକାନ୍ତ ନାୟକ ଜଣେ ମାନସିକ ବିକୃତ ବୋଲି ଜଣା ଜଣାପଡ଼ିଛି । ରଜନୀକାନ୍ତଙ୍କୁ ନେଇ ସ୍ଥାନୀୟ ଲୋକଙ୍କ ମଧ୍ୟରେ ଭୟର ବାତାବରଣ ସୃଷ୍ଟି ହୋଇଛି । ପୋଲିସ ଗାଁରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି । କୁନାଙ୍କ ମୃତଦେହକୁ ବ୍ୟବଛେଦ ପାଇଁ ପଠାଇବ ସହ ଅଭିଯୁକ୍ତ ରଜନୀକାନ୍ତ ନାୟକକୁ ଗିରଫ କରାଯାଇଛି ।
ରାୟଗଡ଼ାରୁ ରଞ୍ଜନ କୁମାର ରଥ, ଇଟିଭି ଭାରତ
