ରାୟଗଡା: ପୋଲିସ ଯେତେ ସତର୍କ ହେଉଛି ଗଞ୍ଜେଇ ମାଫିଆ ମଧ୍ୟ ପୋଲିସକୁ ଚକମା ଦେବାପାଇଁ ନୂଆ ନୂଆ ମାଧ୍ୟମ ଆପଣାଉଛନ୍ତି । ପୋଲିସକୁ ଭୂଆଁ ବୁଲେଇବାକୁ ଏବେ ଦାମୀ କାରରେ ହେଉଛି ଗଞ୍ଜେଇ ଚୋରା ଚାଲାଣ । ଏଭଳି ଏକ କାରକୁ ଜବତ କରିବା ସହ ଦୁଇ ଗଞ୍ଜେଇ ଚାଲାଣକାରିଙ୍କୁ ଗିରଫ କରିବାରେ ସଫଳ ହୋଇଛି ମୁନିଗୁଡା ପୋଲିସ ।
ଦାମୀ କାରରେ ଗଞ୍ଜେଇ ଚୋରା ଚାଲାଣ, ଦୁଇ ଗିରଫ
ଏକ ସୁଇଫ୍ଟ କାରରେ କେନ୍ଦୁଗୁଡାରୁ ଉତ୍ତରପ୍ରଦେଶକୁ ଗଞ୍ଜେଇ ଚାଲାଣ ହେଉଥିବା ବେଳେ ଧାଣ୍ଡରା ନିକଟ ରେଳବାଇ ଫାଟକ ନିକଟରେ ମୁନିଗୁଡା ପୋଲିସ ଦ୍ୱାରା ଗାଡି ସହିତ ସେଥିରେ ଥିବା ୧ କ୍ୱିଣ୍ଟାଲରୁ ଊର୍ଦ୍ଧ୍ୱ ଗଞ୍ଜେଇକୁ ଜବତ କରିବା ସହ ୨ ଚାଲାଣ କାରୀଙ୍କୁ ଗିରଫ କରିଛି । ଜବତ ଗଞ୍ଜେଇର ମୁଲ୍ୟ ୫ ଲକ୍ଷରୁ ଊର୍ଦ୍ଧ୍ୱ ହୋଇଥିବା ବେଳେ ପୋଲିସ ଅଧିକ ତଦନ୍ତ ଜାରି ରଖିଛି ।
ରାୟଗଡାରୁ ରଞ୍ଜନ କୁମାର ରଥ, ଇଟିଭି ଭାରତ
