ରାୟଗଡା: ମୋବାଇଲ ପାଇଁ ବଡ ଭାଇ ନେଲା ସାନଭାଇର ଜୀବନ । ବଡ ଭାଇର ଠେଙ୍ଗା ମାଡରେ ସାନ ଭାଇ ମୃତ୍ୟୁ ହୋଇଛି । ଏଭଳି ଅଭାବନୀୟ ହତ୍ୟାକାଣ୍ଡ ଘଟିଛି ରାୟଗଡା ଜିଲ୍ଲା କାଶିପୁର ଥାନା ଅନ୍ତର୍ଗତ ପଣସଗୁଡା ଗ୍ରାମରେ ।
ମୋବାଇଲ ବ୍ୟବହାରକୁ ନେଇ ଦୁଇ ଭାଇଙ୍କ ମଧ୍ୟରେ କଥା କଟାକଟି ହେବା ପରେ ବଡ ଭାଇ ପିଣ୍ଟୁ ମାଝୀ ରାଗିଯାଇ ସାନ ଭାଇ ପପୁ ମାଝୀକୁ ଠେଙ୍ଗାରେ ଆକ୍ରମଣ କରିଥିଲା । ଫଳରେ ପପୁର ମୁଣ୍ଡରେ ଗଭୀର ଆଘାତ ଲାଗି ଘଟଣାସ୍ଥଳରେ ହିଁ ମୃତ୍ୟୁ ହୋଇଥିଲା । ଗତକିଛି ଦିନ ତଳେ ଦୁଇ ଭାଇ ତେଲେଙ୍ଗାନା ରାଜ୍ୟରୁ ଫେରିବା ସହ କାଶିପୁର ବ୍ଲକର ଏକ ହୋମ କ୍ବାରେଣ୍ଟାଇନରେ ରହିଥିଲେ ।
ମୋବାଇଲ ପାଇଁ ଭାଇ ନେଲା ଭାଇର ଜୀବନ
ହେଲେ ଆଜି ହଠାତ୍ ମୋବାଇଲ ବ୍ୟବହାରକୁ ନେଇ ଦୁହିଁଙ୍କ ମଧ୍ୟରେ ଝଗଡା ହୋଇଥିଲା । ତେବେ ହତ୍ୟାକାଣ୍ଡ ପରେ ଘଟଣାସ୍ଥଳରେ କାଶିପୁର ପୁଲିସ ପହଞ୍ଚି ତଦନ୍ତ ଆରମ୍ଭ କରିବା ସହ ଅଭିଯୁକ୍ତ ପିଣ୍ଟୁ ମାଝୀକୁ ଥାନାରେ ଅଟକ ରଖି ପଚରାଉଚରା କରୁଛି । ଏନେଇ ପୋଲିସର ପ୍ରତିକ୍ରିୟା ମିଳିପାରି ନାହିଁ ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
