ରାୟଗଡା: ଜିଲ୍ଲାସ୍ଥିତ ମୁନିଗୁଡା ଷ୍ଟେସନ ଛକରୁ ଗଞ୍ଜେଇ ଜବତ । ଜବତ ଗଞ୍ଜେଇର ଆନୁମାନିକ ମୂଲ୍ୟ ୫ ଲକ୍ଷରୁ ଅଧିକ ହେବ । ମାମଲାରେ ୩ ଜଣଙ୍କୁ ଗିରଫ କରିଛି ପୋଲିସ ।
୫ ଲକ୍ଷର ଗଞେଇ ଜବତ, ୩ ଗିରଫ
କଳାହାଣ୍ଡି ଏମ ରାମପୁର ଥାନା ଅନ୍ତର୍ଗତ ପାଙ୍ଗାବାଜୁ ଗାଁରୁ ଅଟୋ ଯୋଗେ ମୁନିଗୁଡା ଷ୍ଟେସନ ଦେଇ ବାହାର ରାଜ୍ୟକୁ ଚାଲାଣ ହେଉଥିଲା ଗଞ୍ଜେଇ । ମୁନିଗୁଡା ପୋଲିସ ବିଶେଷ ସୂତ୍ରରୁ ଖବର ପାଇ ଛାନଭିନ କରିଥିଲା । ମୁନିଗୁଡା ଷ୍ଟେସନ ଛକ ନିକଟରେ ଅଟୋକୁ ଯାଞ୍ଚ କରିବା ପରେ ସେଥିରୁ ୫ ଲକ୍ଷରୁ ଅଧିକ ମୂଲ୍ୟର ଗଞ୍ଜେଇ ଜବତ କରିଛି ପୋଲିସ । ଏଥିସହ ଅଟୋରେ ଥିବା ୩ ଜଣ ବ୍ୟକ୍ତିଙ୍କୁ ଗିରଫ କରାଯାଇଛି । ପ୍ରାୟ ୫୫ କେଜିରୁ ଊର୍ଦ୍ଧ୍ବ ଗଞ୍ଜେଇ ଜବତ ହୋଇଛି । ମାମଲାରେ ଅଧିକ ତଦନ୍ତ ଜାରି ରଖିଛି ପୋଲିସ ।
ଗିରଫ ଅଭିଯୁକ୍ତମାନେ ହେଉଛନ୍ତି ଅଟୋ ଡ୍ରାଇଭର ମିତେଶ୍ବର ମାଝି, ଲକ୍ଷ୍ମୀଧର ଦଣ୍ଡିଆ ଓ ସୁରେନ୍ଦ୍ର ଘଡେଇ ।
ରାୟଗଡାରୁ ରଞ୍ଜନ କୁମାର ରଥ, ଇଟିଭି ଭାରତ
