ରାୟଗଡା: ଜିଲ୍ଲା ମୁନିଗୁଡା ପୋଲିସକୁ ବଡ ସଫଳତା । ପଣ୍ଡ କଲା ବେଆଇନ ଗଞ୍ଜେଇ ଚାଲାଣ । ହାଟମୁନିଗୁଡା ଛକ ନିକଟରୁ ଏକ ଖାଲି ଟ୍ରକରୁ ୧୧ କ୍ବିଣ୍ଟାଲ ଗଞ୍ଜେଇ ଜବତ କରିଛି । ଜବତ ଗଞ୍ଜେଇର ମୂଲ୍ୟ 1କୋଟି ହେବ ବୋଲି ପୋଲିସ ପକ୍ଷରୁ ସୂଚନା ମିଳିଛି ।
୧କୋଟି ଟଙ୍କାର ଗଞ୍ଜେଇ ଜବତ
ବିଶେଷ ସୂତ୍ରରୁ ଖବର ପାଇ ମୁନିଗୁଡା ଏସଡିପିଓଙ୍କ ନେତୃତ୍ୱରେ ଟ୍ରକକୁ ଅଟକାଇ ଯାଞ୍ଚ କରାଯାଇଥିଲା । ଟ୍ରକର ଗୋଟିଏ ଚାମ୍ବରରୁ ୨୧୯ ପ୍ୟାକେଟରୁ ୧୧ କ୍ବିଣ୍ଟାଲ ଗଞ୍ଜେଇ ଜବତ କରାଯାଇଛି । ଜବତ ଗଞ୍ଜେଇର ମୂଲ୍ୟ ୧ କୋଟିରୁ ଉର୍ଦ୍ଧ୍ୱ ହେବ ବୋଲି ପୋଲିସ ପକ୍ଷରୁ ସୂଚନା ମିଳିଛି ।
ଟ୍ରକଟି ଆନ୍ଧ୍ରପ୍ରଦେଶରୁ ଛତିଶିଗଡର ରାୟପୁର ଆଡକୁ ଯାଉଥିଲା । ଏହି ଗଞ୍ଜେଇ ରାୟପୁରକୁ ଚାଲାଣ ହେଉଥିଲା ବୋଲି ପୋଲିସର ପ୍ରାଥମିକ ତଦନ୍ତରୁ ଜଣାପଡିଛି । ଘଟଣାରେ ଟ୍ରକ ଡ୍ରାଇଭରକୁ ଅଟକ ରଖି ପୋଲିସ ତଦନ୍ତ ଜାରି ରଖିଛି ।
ରାୟଗଡାରୁ ରଞ୍ଜନ କୁମାର ରଥ, ଇଟିଭି ଭାରତ
