ପୁରୀ: IRCTC ଲିଗାଲ ଇଣ୍ଡିଆ ଓ ରିଲିଜିଅସ ୱାର୍ଲଡ ପକ୍ଷରୁ ବିଜ୍ଞାପନରେ ପୁରୀ ଶ୍ରୀମନ୍ଦିରର ଭୁଲ ଛବି ପ୍ରଦର୍ଶିତ କରାଯାଇଥିବାକୁ ବିରୋଧ କରି ପୁରୀ ସିଂହଦ୍ୱାର ଥାନାରେ ଦିଆଯାଇଛି ଏତଲା । ପୂର୍ବରୁ ପୁରୀ ଶ୍ରୀମନ୍ଦିରର ଭୁଲ ଚିତ୍ର ପ୍ରଦର୍ଶିତ କରାଯାଇଥିବା ଘଟଣାକୁ ବିରୋଧ କରାଯାଇଥିବାବେଳେ ମୁମ୍ବାଇରେ ପୋଷ୍ଟର ହଟାଯାଇଥିଲା ।
IRCTC ବିଜ୍ଞାପନରେ ଶ୍ରୀମନ୍ଦିରର ଭୁଲ ଫଟୋ, ସିଂହଦ୍ବାର ଥାନାରେ ଏତଲା
ତେବେ ପୁନର୍ବାର ସମ୍ପୃକ୍ତ ସଂସ୍ଥାମାନେ ଭୁଲ ଚିତ୍ର ମାଧ୍ୟମରେ ଶ୍ରୀମନ୍ଦିରକୁ ପ୍ରଦର୍ଶିତ କରୁଥିବାରୁ ଏହାକୁ ଘୋର ବିରୋଧ କରିଛନ୍ତି ଶ୍ରୀମନ୍ଦିର ଖୁଣ୍ଟିଆ ସେବାୟତର ଶମ୍ଭୁନାଥ ଖୁଣ୍ଟିଆ । ବାଲେଶ୍ୱରର ଇମାମି ଜଗନ୍ନଥ ମନ୍ଦିର ଚିତ୍ରକୁ ଶ୍ରୀମନ୍ଦିର ବୋଲି ଦର୍ଶାଇ ଚିତ୍ରଣ କରିଥିବା ଘଟଣା ଦୁର୍ଭାଗ୍ୟଜନକ ବୋଲି କହିବା ସହ ଉକ୍ତ ସଂସ୍ଥା ବିରୋଧରେ କାର୍ଯ୍ୟାନୁଷ୍ଠାନ ପାଇଁ ସିଂହଦ୍ୱାର ଥାନାରେ ଏତଲା ଦିଆଯାଇଛି |
