ବ୍ରହ୍ମଗିରିରେ ନିର୍ବାଚନୀ ହିଂସା, ଜଣେ ଆହତ

ରାଜ୍ୟରେ ତୃତୀୟ ପର୍ଯ୍ୟାୟ ମତଦାନ ଚାଲିଥିବା ବେଳେ ବ୍ରହ୍ମଗିରି ବ୍ଲକ ଅଧୀନ ରାହାଡମଲ୍ଲ ପଞ୍ଚାୟତରରେ ଦେଖା ଦେଇଛି ନିର୍ବାଚନୀ ହିଂସା ।

ବ୍ରହ୍ମଗିରି: ମତଦାନ ସମୟରେ ନିର୍ବାଚନୀ ହିଂସା । ରାଜ୍ୟରେ ତୃତୀୟ ପର୍ଯ୍ୟାୟ ମତଦାନ ଚାଲିଥିବା ବେଳେ ବ୍ରହ୍ମଗିରି ବ୍ଲକ ଅଧୀନ ରାହାଡମଲ୍ଲ ପଞ୍ଚାୟତରରେ ଦେଖା ଦେଇଛି ପ୍ରଥମ ନିର୍ବାଚନୀ ହିଂସା ।

ଉକ୍ତ ପଞ୍ଚାୟତ ଅଧୀନ ସାହାଣୀକେରା ଗ୍ରାମର 231ନମ୍ବର ବୁଥ୍‌ରେ ଘଟିଛି ଏହି ଘଟଣା । ବିଜେଡ଼ି କର୍ମୀଙ୍କ ଆକ୍ରମଣରେ ସେହି ଗ୍ରାମର ଜମ୍ବେସ୍ବର ସାହୁ ନାମକ ଜଣେ ବ୍ୟକ୍ତି ଆହତ ହୋଇଛନ୍ତି । ତେବେ ତୁରନ୍ତ ତାଙ୍କୁ ରେବଣା ନୂଆଗାଁ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିବା ଜଣା ପଡିଛି ।

ବ୍ରହ୍ମଗିରିରୁ ଦେବାଶିଷ ଦାସ, ଇଟିଭି ଭାରତ