ପିପିଲି(ପୁରୀ): ପିପିଲିରେ ଭାରତୀୟ ଜନତା ପାର୍ଟି(BJP) ପୁରୀ ଜିଲ୍ଲା ପଦାଧିକାରୀ ଓ ମଣ୍ଡଳ ସଭାପତି ପଦାଧିକାରୀଙ୍କ ବୈଠକ ଅନୁଷ୍ଠିତ ହୋଇଛି । ବିଜେପିର ପୁରୀ ଲୋକସଭା ମଣ୍ଡଳ ପକ୍ଷରୁ ଆୟୋଜିତ ହୋଇଛି କୋର୍ କମିଟି ବୈଠକ । ବୈଠକରେ କେନ୍ଦ୍ର ରାଷ୍ଟ୍ରମନ୍ତ୍ରୀ ସାଧବି ନିରଞ୍ଜନ ଜ୍ୟୋତି(Sadhvi Niranjan Jyoti) ଯୋଗ ଦେଇ ସ୍ଥାନୀୟ ନେତା ଓ କର୍ମୀଙ୍କୁ ଉତ୍ସାହିତ କରିଥିଲେ । ତୃଣମୂଳ ସ୍ତରରୁ ଦଳକୁ ଅଧିକ ମଜଭୁତ କରିବା ପାଇଁ ଦଳୀୟକର୍ମୀଙ୍କୁ ପରାମର୍ଶ ଦେଇଛନ୍ତି ରାଷ୍ଟ୍ରମନ୍ତ୍ରୀ ନିରଞ୍ଜନ ଜ୍ୟୋତି ।
କେନ୍ଦ୍ରୀୟ ଯୋଜନା କିପରି ସାଧାରଣ ଜନତାଙ୍କ ସେବା ଓ ସ୍ବାର୍ଥରେ ଆସି ପାରିବ ସେନେଇ ଦଳୀୟ କର୍ମକର୍ତ୍ତାଙ୍କ ସହ କେନ୍ଦ୍ର ରାଷ୍ଟ୍ରମନ୍ତ୍ରୀ ସାଧବି ନିରଞ୍ଜନ ଜ୍ୟୋତି ଆଲୋଚନା କରିଛନ୍ତି । ବୈଠକରେ ମଣ୍ଡଳ ସଭାପତି ଓ କର୍ମକର୍ତ୍ତାଙ୍କ ସହ କେନ୍ଦ୍ରୀୟ ଯୋଜନା ମାଧ୍ୟମରେ ଲୋକଙ୍କ ନିକଟତର ହେବାକୁ ପରାମର୍ଶ ଦେଇଥିଲେ ।
ଆଗାମୀ ଦିନରେ ବିଜେପି କିଭଳି ଜନସାଧାରଣଙ୍କ ନିକଟରେ ଅଧିକ ଆଦୃତ ହୋଇପାରିବ ସେ ନେଇ ଆଲୋକପାତ କରିଥିଲେ । ଅନୁଷ୍ଠିତ ବୈଠକରେ ବିଜେପି ରାଷ୍ଟ୍ରୀୟ ପ୍ରବକ୍ତା ସମ୍ବିତ ପାତ୍ର, ପୁରୀ ଜିଲ୍ଲା ବିଜେପି ସଭାପତି ଆଶ୍ରିତ ପଟ୍ଟନାୟକ ପ୍ରମୁଖ ଉପସ୍ଥିତ ଥିଲେ ।
ଇଟିଭି ଭାରତ, ପୁରୀ
