ପୁରୀ: ପୁରୀରୁ ଆଜିଠୁ ଗଡିବ ଟ୍ରେନ । ଆଜି ସନ୍ଧ୍ୟାରେ 3ଟି ଟ୍ରେନରେ ଯିବା ପାଇଁ ଯାତ୍ରୀମାନେ ବୁକିଂ କରିଛନ୍ତି । କୋଭିଡ କଟକଣା ମଧ୍ୟରେ ଟ୍ରେନ ଚାଲିବ । ଯାତ୍ରୀମାନେ ଦୁଇ ଘଣ୍ଟା ପୂର୍ବରୁ ଷ୍ଟେସନରେ ପହଞ୍ଜିବେ । ମାର୍ଚ୍ଚ ମାସରେ କୋରୋନା କଟକଣା ଜାରି ହେବା ପରେ ପୁରୀରୁ ଟ୍ରେନ ଯାତ୍ରା ବନ୍ଦ ଥିଲା ।
ଆଜିଠୁ ପୁରୀରୁ ଗଡିବ ଟ୍ରେନ, ଦୁଇ ଘଣ୍ଟା ପୂର୍ବରୁ ଷ୍ଟେସନରେ ପହଞ୍ଜିବେ ଯାତ୍ରୀ
ତେବେ ପୁରୀ-ଅହମ୍ମଦାବାଦ, ପୁରୀ-ଦୁର୍ଗ ଓ ପୁରୀ-ପୁରୁଷୋତ୍ତମ ଏକ୍ସପ୍ରେସ ପୁରୀରୁ ଯାତ୍ରୀଙ୍କୁ ନେଇ ଗନ୍ତବ୍ୟ ସ୍ଥାନକୁ ଯାତ୍ରା କରିବ। ଯାତ୍ରୀଙ୍କୁ ସାମାଜିକ ଦୂରତା ଓ ମାସ୍କ ପିନ୍ଧିବାକୁ ବାଧ୍ୟତାମୂଳକ କରାଯାଇଛି । ସେପଟେ ପୁରୀକୁ ଟ୍ରେନ ଚଳାଚଳ ପରେ ଶ୍ରୀକ୍ଷେତ୍ରକୁ ପର୍ଯ୍ୟଟକଙ୍କ ଆଗମନ ବେଶ ବଢିବ ବୋଲି ଆଶା କରାଯାଉଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
