ପୁରୀ: ବିଶ୍ବ ପ୍ରସିଦ୍ଧ କୋଣାର୍କ ମନ୍ଦିରରେ ଟିକେଟ୍କୁ ନେଇ ପର୍ଯ୍ୟଟକ ହଟହଟା । ଦୀର୍ଘ ସମୟ ଧରି ଲାଇନରେ ଠିଆ ହେବା ପରେ ବି ମିଳିଲା ନାହିଁ ଟିକେଟ୍ । ଯାହାକୁ ନେଇ ପର୍ଯ୍ୟଟକଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି । କିଛି ସମୟ ପାଇଁ ସୂର୍ଯ୍ୟ ମନ୍ଦିର ପରିସରରେ ଉତ୍ତେଜନା ପୂର୍ଣ୍ଣ ପରିସ୍ଥିତି ସୃଷ୍ଟି ହୋଇଥିଲା ।
ଭିଡିଓ ସୌଜନ୍ୟ: ସମ୍ବାଦଦାତା, ପୁରୀ
ତେବେ ସବୁଦିନ ଠାରୁ ଆଜି କୋଣାର୍କ ମନ୍ଦିର ଲାଗିଥିଲା ପର୍ଯ୍ୟଟକଙ୍କ ଗହଳି । ଟିକେଟ୍ ପାଇଁ ଲମ୍ବା ଲାଇନରେ ଛିଡା ହୋଇଥିଲେ ପର୍ଯ୍ୟଟକ । ହେଲେ ହଠାତ୍ ଟିକେଟ୍ ସରିଯିବାକୁ ନେଇ ପର୍ଯ୍ୟଟକଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଥିଲା ।
ସୂଚନା ଅନୁସାରେ, କୋଣାର୍କ ସୂର୍ଯ୍ୟମନ୍ଦିର ପାଇଁ ଦୈନିକ ପ୍ରବେଶ ଟିକେଟ 5 ହଜାର ରହିଛି । କିନ୍ତୁ ଆଜି ରବିବାର ହୋଇଥିବାରୁ ଶିଘ୍ର ଟିକେଟ୍ ସରିଯାଇଥିଲା । ଏପଟେ କିନ୍ତୁ ପର୍ଯ୍ୟଟନ ବିଭାଗର ଅବହେଳାକୁ ଦାୟୀ କରିଛନ୍ତି ପର୍ଯ୍ୟଟକ ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
