ପୁରୀ: ପୁଣି ଏକ ସେକ୍ସ ରାକେଟର ପର୍ଦ୍ଦାଫାଶ କଲା ପୁରୀ ବଳିଆପଣ୍ଡା ଥାନା ପୋଲିସ । ଏକ ହୋଟେଲରେ ଚଢ଼ାଉ କରି ଏକାଧିକ ବଙ୍ଗୀୟ ଯୁବତୀଙ୍କ ସହ ୩ ଜଣଙ୍କୁ ଗିରଫ କରିଛି ପୋଲିସ ।
ଶୁକ୍ରବାର ସନ୍ଧ୍ୟାରେ ବଳିଆପଣ୍ଡା ଥାନା ପୋଲିସ ଏକ ହୋଟେଲର ୩ଟି ରୁମରେ ଚଢ଼ାଉ କରିଥିଲେ। ଗୋଟିଏ କୋଠରୀରେ ୪ ଜଣ ଯୁବତୀ ଥିବାବେଳେ ଅନ୍ୟ ଦୁଇ କୋଠରୀରେ ୨ ଯୋଡି ଯୁବକ ଓ ଯୁବତୀ ଥିଲେ। ଚଢାଉ ବେଳେ ପୋଲିସ ଏକାଧିକ ବଙ୍ଗୀୟ ଯୁବତୀଙ୍କ ସହ ୩ ଜଣଙ୍କୁ ଗିରଫ କରିଛି ପୋଲିସ । ଗିରଫ ବ୍ୟକ୍ତି ହେଉଛନ୍ତି ପୁରୀ ନିମାପଡାର ଶୁଭନ୍ବେଷ ସ୍ବାଇଁ, ଏରସମାର ଦେବୀ ପ୍ରସାଦ ମାଝୀ ଓ କୋଲକତାର ସପନ ଦତ୍ତ। ଏଥିସହ ୫ ଜଣ ବଙ୍ଗୀୟ ଯୁବତୀଙ୍କୁ ଥାନାରେ ପଚରାଉଚୁରା କରାଯାଉଛି। ଗିରଫ ଅଭିଯୁକ୍ତଙ୍କୁ କୋର୍ଟଚାଲାଣ କରାଯାଇଛି ।
ସେକ୍ସ ରାକେଟ ଠାବ
ପ୍ରକାଶ ଥାଉକି, ଗତ ସେପ୍ଟେମ୍ବର ୧୪ ତାରିଖରେ ପୋଲିସ ଚଢ଼ାଉ କରି ୨ ଦେହଜୀବୀଙ୍କୁ ଉଦ୍ଧାର କରିବା ସହ ୩ ଜଣଙ୍କୁ ଗିରଫ କରିଥିଲେ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
