ପୁରୀ: ଡେଲାଙ୍ଗ ତହସିଲଦାର ଦିଲ୍ଲୀପ କୁମାର ଷଡ଼ଙ୍ଗୀଙ୍କୁ ମରଣାନ୍ତକ ଆକ୍ରମଣ ( Tehsildar Injured In Attack By Stone Mining Mafia) । ପଥର ଚୋରା ଚାଲାଣ ହେଉଥିବା ଗାଡିକୁ ଚଢ଼ାଉ ବେଳେ ହୋଇଛି ଆକ୍ରମଣ । ଜବତ କରିଥିବା ଟ୍ରାକ୍ଟରକୁ ଜୋର ଜବରଦସ୍ତ ଛଡାଇ ନେଇ ଦୁର୍ବୃତ୍ତ । ଏନେଇ ତହସିଲଦାରଙ୍କ ଡେଲାଙ୍ଗ ଥାନାରେ ଅଭିଯୋଗ ପରେ 5 ଟ୍ରାକ୍ଟର ଜବତ କରାଯାଇଛି ।
ବେଆଇନ ପଥର ଚାଲାଣବେଳେ ତହସିଲଦାରଙ୍କୁ ଆକ୍ରମଣ
ସୂଚନା ଅନୁସାରେ, ଡେଲାଙ୍ଗ ତହସିଲଦାର ଦିଲ୍ଲୀପ କୁମାର ଷଡ଼ଙ୍ଗୀ ଘଟଣା ସ୍ଥଳରେ ପହଞ୍ଚିବା ପରେ ପଥର ନେଇ ଯାଇଥିବା ଗାଡିକୁ ଜବତ କରିଥିଲେ । କିନ୍ତୁ ପଥର ମାଫିଆମାନେ ପଥର ବୋଝେଇ ଟ୍ରାକ୍ଟରର ଜବତ ହୋଇଥିଲେ ମଧ୍ୟ ତହସିଲଦାରଙ୍କୁ ଆକ୍ରମଣ କରି ଟ୍ରାକ୍ଟରକୁ ଛଡ଼ାଇ ନେଇଥିଲେ । ଏନେଇ ଡେଲାଙ୍ଗ ଥାନାରେ ଅଭିଯୋଗ କରିଥିଲେ ତହସିଲଦାର । ତେବେ ପୋଲିସ ବିଭିନ୍ନ ସ୍ଥାନରେ ଚଢ଼ାଉ କରି 5 ଟି ଟ୍ରାକ୍ଟରକୁ ଜବତ କରିଥିବା ବେଳେ ଅଭିଯୁକ୍ତ ମାନଙ୍କୁ ଧରିବା ପାଇଁ ବିଭିନ୍ନ ସ୍ଥାନରେ ଚଢାଉ ଜାରି ରହିଛି ।
ଇଟିଭି ଭାରତ, ପୁରୀ
