ପୁରୀ: ସରିଲା ଛତିଶା ନିଯୋଗ ବୈଠକ। ବୈଠକରେ ନିଆଗଲା ଗୁରୁତ୍ବପୂର୍ଣ୍ଣ ନିଷ୍ପତି। ପରିବର୍ତ୍ତନ ହେଲା ଶ୍ରୀମନ୍ଦିର ଦର୍ଶନ ବ୍ୟବସ୍ଥା । ସ୍ବତନ୍ତ୍ର ଏସଓପି ଜାରି କରିଛି ଶ୍ରୀମନ୍ଦିର ପ୍ରଶାସନ।
ଦୁଇଦିନ ଶ୍ରୀମନ୍ଦିର ବନ୍ଦ, ଅନ୍ୟ ରାଜ୍ୟର ଶ୍ରଦ୍ଧାଳୁଙ୍କ କୋରୋନା ରିପୋର୍ଟ ବାଧ୍ୟତାମୂଳକ ଶ୍ରୀମନ୍ଦିରରେ ଦର୍ଶନ ପାଇଁ ଭକ୍ତଙ୍କ ପାଇଁ କଟକଣା ଜାରି କରାଯାଇଛି । କୋରୋନା କଟକଣାକୁ ବାଧ୍ୟତାମମୂଳକ କରାଯାଇଛି । ରାଜ୍ୟ ବାହାର ଭକ୍ତଙ୍କ ପାଇଁ କରାଯାଇଛି RTPCR ନେଗେଟିଭ ପ୍ରମାଣପତ୍ର କିମ୍ବା ଟିକାର ଦୁଇଟି ଡୋଜ ନେଇଥିବା ପ୍ରମାଣପତ୍ର ବାଧ୍ୟତାମୂଳକ । ୭ଦିନ ମଧ୍ୟରେ କୋଭିଡ୍ ନେଗେଟିଭ ପ୍ରମାଣପତ୍ର ହେବା ଆବଶ୍ୟକ । ସେପଟେ ସାନିଟାଇଜର ଓ ମାସ୍କ ବ୍ୟବହାରରେ କଡା କଟକଣା ଜାରି । ଭିତର କାଠ ଦର୍ଶନ ବନ୍ଦ । ବାହାର କାଠ ନିକଟରୁ ହେବ ସର୍ବସାଧାରଣ ଦର୍ଶନ। ଶ୍ରୀମନ୍ଦିର ଭିତରେ କୋଭିଡ୍ ଗାଇଡଲାଇନ ଅନୁପାଳନ ନେଇ ଗଠନ ହେବ ତିନୋଟି ଟିମ୍। ଶ୍ରୀମନ୍ଦିର ପ୍ରଶାସନ, ଜିଲ୍ଲା ପ୍ରଶାସନ ଓ ପୋଲିସ ପ୍ରଶାସନ ପକ୍ଷରୁ ତିନୋଟି ଟିମ୍ ମିଳିତ ଭାବେ ଏନଫୋର୍ସମେଣ୍ଟ କରିବେ। ସପ୍ତାହରେ ଦୁଇଦିନ ଅର୍ଥାତ ଶନିବାର ଓ ରବିବାର ଶ୍ରୀମନ୍ଦିର ବନ୍ଦ ରହିବ। ଏହି ସମୟରେ ଶ୍ରୀମନ୍ଦିର ଭିତରବେଢା, ସ୍ବତନ୍ତ୍ର ବ୍ୟାରିକେଡ, ବଡଦାଣ୍ଡ ଆଦି ସାନିଟାଇଜେସନ କରାଯିବ ।
ଦୁଇଦିନ ଶ୍ରୀମନ୍ଦିର ବନ୍ଦ, ଅନ୍ୟ ରାଜ୍ୟର ଶ୍ରଦ୍ଧାଳୁଙ୍କ କୋରୋନା ରିପୋର୍ଟ ବାଧ୍ୟତାମୂଳକ ସେହିପରି ଶ୍ରୀମନ୍ଦିରରେ ଗୁଟୁଖା ଏବଂ ପାନ ଛେପ ପକାଇବାକୁ ନିଷେଧ କରାଯାଇଛି । ଯେଉଁମାନେ ନିୟମ ଉଲଙ୍ଘନ କରିବେ ସେମାନଙ୍କୁ ତଣ୍ଡ ବାବଦରେ 500 ଟଙ୍କା ଗଣିବାକୁ ପଡିବ ବୋଲି ନୂଆ ଗାଇଡଲାଇନରେ କଡାକଡି ଭାବେ ଉଲ୍ଲେଖ କରାଯାଇଛି । ଏଥିସହ ପଲିଥିନ ବ୍ୟବହାରକାରୀଙ୍କୁ 100 ଟଙ୍କା ଜରିମାନା ଗଣିବାକୁ ପଡିବ । ମନ୍ଦିର ମଧ୍ୟରେ ଦୀପ ଜାଳିବା ଉପରେ ମଧ୍ୟ ରୋକ ଲଗାଯାଇଛି । ଏହିସବୁ ନିୟମ ଆସନ୍ତା 19ରୁ ଲାଗୁ କରିବାକୁ ନିଷ୍ପତ୍ତି ନିଆଯାଇ ଥିବାବେଳେ ଆଗାମୀ ୨୪ ତାରିଖ ଶନିବାର ଠାରୁ ସପ୍ତାହରେ ଦୁଇଦିନ ଶ୍ରୀମନ୍ଦିର ବନ୍ଦ ରହିବ ବୋଲି ଭର୍ଚ୍ଚୁଆଲ ବୈଠକରେ ନିଷ୍ପତ୍ତି ନିଆଯାଇଛି ।
ଦୁଇଦିନ ଶ୍ରୀମନ୍ଦିର ବନ୍ଦ, ଅନ୍ୟ ରାଜ୍ୟର ଶ୍ରଦ୍ଧାଳୁଙ୍କ କୋରୋନା ରିପୋର୍ଟ ବାଧ୍ୟତାମୂଳକ ଦେଶରେ କୋରୋନାର ଦ୍ବିତୀୟ ପର୍ଯ୍ୟାୟ ଆରମ୍ଭ ହୋଇଯାଇ ଥିବାବେଳେ ଶ୍ରୀମନ୍ଦିରରେ ସମ୍ପୂର୍ଣ୍ଣ କୋରୋନା କଟକଣା ସହ ମହାପ୍ରଭୁଙ୍କ ନୀତିକାନ୍ତି କରାଯିବା ସହ ସାଧାରଣ ଦର୍ଶନକୁ କଟକଣା ମଧ୍ୟରେ କରାଯିବା ନିଷ୍ପତ୍ତି ନିଆଯାଇଛି ।
ଦୁଇଦିନ ଶ୍ରୀମନ୍ଦିର ବନ୍ଦ, ଅନ୍ୟ ରାଜ୍ୟର ଶ୍ରଦ୍ଧାଳୁଙ୍କ କୋରୋନା ରିପୋର୍ଟ ବାଧ୍ୟତାମୂଳକ ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
