ପୁରୀ: 71 ତମ ଗଣତନ୍ତ୍ର ଦିବସକୁ ନେଇ ସାରା ଦେଶରେ ଉତ୍ସାହର ମାହୋଲ । ଏହି ଅବସରରେ ବାଲୁକା କଳା ମାଧ୍ୟମରେ ଗଣତନ୍ତ୍ର ଦିବସର ଶୁଭେଚ୍ଛା ଜଣାଇଛନ୍ତି ବାଲୁକା ଶିଳ୍ପୀ ମାନସ କୁମାର ସାହୁ ।
ବାଲୁକାକଳାରେ ଗଣତନ୍ତ୍ର ଦିବସର ଶୁଭେଚ୍ଛା
ସେ ବାଲୁକାକଳାରେ ତ୍ରିରଙ୍ଗା ସହ ଇଣ୍ଡିଆ ଗେଟ, ଲାଲକିଲ୍ଲା ସମେତ କୋଣାର୍କ, ତାଜମହଲ ଭଳି ସ୍ଥାପତ୍ୟକୁ ସ୍ଥାନ ଦେଇଛନ୍ତି । ଦେଶର ବିକାଶ ପାଇଁ ସମସ୍ତ ନାଗରିକ ଆଗେଇ ଆସିବା ସହ ଦେଶରେ ଶାନ୍ତି, ସଦଭାବନା, ଭାଇଚାରା ସମ୍ପର୍କ ବଜାଇରଖିବା ନିମନ୍ତେ ସମସ୍ତେ ଉଦ୍ୟମ କରିବା ଆବଶ୍ୟକ ବୋଲି ବାଲୁକା ଶିଳ୍ପୀ ମାନସ ସାହୁ ବାର୍ତ୍ତା ଦେଇଛନ୍ତି ।
ପୁରୀ ଲାଇଟ ହାଉସ ବେଳାଭୂମିରେ ଏହି ଆକର୍ଷଣୀୟ ବାଲୁକାକଳାଟିକୁ ସେ ଗଢିଛନ୍ତି । 15 ଫୁଟର ଏହି ବାଲୁକାକଳାରେ 15 ଟନ ବାଲି ଲାଗିଥିବା ବେଳେ 7 ଘଣ୍ଟା ସମୟ ଲାଗିଥିବା ସେ କହିଛନ୍ତି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
