ବ୍ରହ୍ମଗିରି: ପଞ୍ଚାୟତ ଛାତ ଭୁଶୁଡିବା ଘଟଣାରେ ଦୋଷୀଙ୍କ ବିରୁଦ୍ଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ବିଡିଓଙ୍କ ସୂଚନା । ତେବେ ଗୃହ ନିର୍ମାଣ କାର୍ଯ୍ୟରେ ନିମ୍ନମାନର ସିମେଣ୍ଟ ବ୍ୟବହାର ହୋଇଥିବା ନେଇ ସ୍ଥାନୀୟ ଲୋକଙ୍କ ଅଭିଯୋଗ ।
ସୂଚନା ଅନୁଯାୟୀ ପୁରୀ ଜିଲ୍ଲା ବ୍ରହ୍ମଗିରି ବ୍ଲକ ଅଧିନ ମଣପଡ଼ା ପଞ୍ଚାୟତ କାର୍ଯ୍ୟାଳୟ ପରିସରରେ ଗତକାଲି(ସୋମବାର) ଅପରାହ୍ନରେ ଏକ ନୂତନ ଘରର ଛାତ ପଡିଥିଲା । ମାତ୍ର ସନ୍ଧ୍ୟା 7ଟା ସମୟରେ ଘରର ଛାତ ସମ୍ପୂର୍ଣ୍ଣ ଭୁଶୁଡି ପଡିଥିଲା । ଏଥିରେ 2ଜଣ ଶ୍ରମିକ ଛାତ ତଳେ ଚାପି ହୋଇ ରହିଯାଇଥିଲେ । ସୌଭାଗ୍ୟବଶତଃ ତାଙ୍କୁ ସୁରକ୍ଷିତ ଉଦ୍ଧାର କରାଯାଇଛି । ମଣପଡା ପଞ୍ଚାୟତର କିଛି ଲୋକେ ଏନେଇ ଘର କାମରେ ନିମ୍ନମାନର ସିମେଣ୍ଟ ଓ ଛଡ଼ ବ୍ୟବହାର ହୋଇଥିବା ନେଇ ଅଭିଯୋଗ ହେବା ସହ ଦୋଷୀଙ୍କ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ଦାବି କରିଛନ୍ତି ।
ଅନ୍ୟପଟେ ଛାତ ଭୁଶୁଡିବା ଘଟଣାକୁ ପଞ୍ଚାୟତ ଦାୟିତ୍ୱରେ ଥିବା ଜେଇ ରଜନିକାନ୍ତ ମାଝି ଏହାକୁ ସ୍ବିକାର କରି ଥିବାବେଳେ ତାଙ୍କ ଅଜ୍ଞାତରେ ଏହି କାର୍ଯ୍ୟ ହେଉଥିଲା ଏବଂ ଏଥିପାଇଁ 5 ଲକ୍ଷ ବ୍ୟୟ ବରାଦ ହୋଇଥିବା ସୂଚନା ଦେଇଛନ୍ତି । ସେପଟେ ଦୋଷୀଙ୍କ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠିନ ଗ୍ରହଣ କରାଯିବ ବୋଲି ବିଡ଼ିଓ ଜ୍ୟୋତି ପ୍ରକାଶ ସେଠୀ କହିଛନ୍ତି ।
ବ୍ରହ୍ମଗୁରୁରୁ ଦେବାଶିଷ ଦାସ, ଇଟିଭି ଭାରତ
