ପୁରୀ: ମନ୍ଦିରରେ ମା’ଙ୍କ ଅଳଙ୍କାର ସହ ହୁଣ୍ଡି ବାକ୍ସ ଲୁଟ । ଏଭଳି ଘଟଣା ଘଟିଛି ପୁରୀର ବାଲିଉପର ରାମଚଣ୍ଡି ମନ୍ଦିରରେ । ଜିଲ୍ଲା ଯକ୍ଷ୍ମା ଓ ସଂକ୍ରାମକ ଚିକିତ୍ସାଳୟ ପାର୍ଶ୍ୱରେ ଥିବା ଏହି ମନ୍ଦିରକୁ ଦୁର୍ବୃତ୍ତମାନେ ଗତକାଲି ରାତିରେ ପ୍ରବେଶ କରିଥିଲେ ।
ରାମଚଣ୍ଡୀ ମନ୍ଦିରରୁ ମା’ଙ୍କ ଅଳଙ୍କାର ସହ ହୁଣ୍ଡି ବାକ୍ସ ଲୁଟ
ମନ୍ଦିରରେ ଥିବା ହୁଣ୍ଡି ଦାନବାକ୍ସ ସହ ମାଙ୍କ ସୁନା ଓ ରୂପା ହାର, ପାଟ ଓ ଅନ୍ୟାନ୍ୟ ସାମଗ୍ରୀ ଚୋରି କରି ଫେରାର ହୋଇଯାଇଛନ୍ତି । ଆଜି ସକାଳୁ ପୂଜକ ମନ୍ଦିର ଖୋଲିବା ପରେ ଚୋରି ହୋଇଥିବା ଜାଣି କୁମ୍ଭାରପଡା ଥାନାକୁ ଖବର ଦେଇଥିଲେ । ସିଟି ଡ଼ି.ଏସ.ପି, କୁମ୍ଭାରପଡା ଥାନା ଆଇଆଇସି ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି । ବାଲିଉପର ବସ୍ତିର ନିଶାଖୋର ଦୁର୍ବୃତ୍ତ ରାମଚଣ୍ଡି ମନ୍ଦିରରେ ଏଭକି ଚୋରି କରିଥିବା ସନ୍ଦେହ କରାଯାଉଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
