ପୁରୀ: ଗତ14 ତାରିଖରେ ସତ୍ୟବାଦୀ ଥାନା ପଟ୍ଟନାୟିକିଆ ଛକରେ ଟ୍ରିପଲ ମର୍ଡର ଘଟଣାରେ ପୁରୀ ପୋଲିସକୁ ବଡ ସଫଳତା ମିଳିଛି । ପୂର୍ବରୁ ଏହି ଘଟଣାରେ ସଂପୃକ୍ତ 8ଜଣ ଅଭିଯୁକ୍ତଙ୍କୁ ପୋଲିସ ଗିରଫ କରିଥିବା ବେଳେ ଆଜି ଆଉ ଦୁଇ ଜଣଙ୍କୁ ଗିରଫ କରିଛି । ତେବେ ଏହି ଦୁଇ ଅଭିଯୁକ୍ତ ମୁଖ୍ୟ ଅଭିଯୁକ୍ତ ବୋଲି ପୋଲିସ ଦର୍ଶାଇଛି । ଏହି ଦୁଇ ଅଭିଯୁକ୍ତ ହେଉଛନ୍ତି ମିଟୁ ବେହେରା ଓ ପ୍ରହ୍ଲାଦ ବେହେରା ।
ବର୍ତ୍ତମାନ ଏହି ଜଘନ୍ୟ ଘଟଣାରେ ପୋଲିସ ମୋଟ ଆଠ ଜଣଙ୍କୁ ଗିରଫ କରିଥିବା ବେଳେ ଆହୁରି 5ଜଣ ଅଭିଯୁକ୍ତ ଅଛନ୍ତି ବୋଲି ପୁରୀ ଏସପି ଉମାଶଙ୍କର ଦାସ ସୂଚନା ଦେଇଛନ୍ତି । ଏହି 5ଜଣଙ୍କୁ ମଧ୍ୟ ଖୁବ ଶିଘ୍ର ଗିରଫ କରାଯିବ ବୋଲି ଏସପି କହିଛନ୍ତି ।
ପ୍ରକାଶ ଥାଉ କି ଜମିବାଡି ବିବାଦକୁ ନେଇ ଏହି ଭୟାନକ ହତ୍ୟାକାଣ୍ଡ ରଚିଥିଲେ ଅଭିଯୁକ୍ତ ମାନେ । ଯେଉଁଥିରେ ଗୋଟିଏ ପରିବାରର 2ଭାଇଙ୍କ ସହ ଆଉ ଜଣେ ସଂପର୍କୀୟ ଭାଇଙ୍କୁ ମଧ୍ୟ ଅଭିଯୁକ୍ତ ମାନେ ହତ୍ୟା କରିଥିଲେ । ଯାହାକୁ ନେଇ ସାରା ରାଜ୍ୟରେ ଚାଞ୍ଚଲ୍ୟ ଖେଳିଯାଇଥିଲା ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
