ପୁରୀ: ଜିଲ୍ଲାରେ ନିଶା କାରବାର ପଣ୍ଡ କରିବାକୁ ପୋଲିସ ସଜାଗ ହୋଇଛି । ନିଶା ବେପାର ଉପରେ କଡା ନଜର ରଖିଛି ପୁରୀ ପୋଲିସ । ପାଟ୍ରୋଲିଂ ସମୟରେ ଦୁଇ ନିଶା ବେପାରୀଙ୍କୁ କାବୁ କରିଛି ପୁରୀ ଟାଉନ ଥାନା ପୋଲିସ ।
ସୂଚନାଅନୁସାରେ,କ୍ୟାଥୋଲିକ ଚର୍ଚ୍ଚ ନିକଟରେ ପାଟ୍ରୋଲିଂ ସମୟରେ ଗୋଟିଏ ନମ୍ବର ବିହୀନ ଆପାଚି ଗାଡିକୁ ଅଟକାଇ ଥିଲା ପୋଲିସ । ସୋମାନଙ୍କୁ ଯାଞ୍ଚ କରି ଗାଡିରେ ଥିବା ଦୁଇଜଣ ନିଶା କାରବାର କରୁଥିବା ଜାଣିବାକୁ ପାଇଥିଲା ପୋଲିସ ।
ସେମାନଙ୍କଠାରୁ 16ଟି ଏସକଫ ବୋତଲ ଜବତ କରିଛି । ଏ ସଂକ୍ରାନ୍ତରେ ଏକ ମାମଲା ରୁଜ୍ଜୁ କରି ଦୁଇଜଣଙ୍କୁ ଗିରଫ କରିଛି ପୁରୀ ଟାଉନ ପୋଲିସ । ଗିରଫ ହୋଇଥିବା ଦୁଇଜଣ ନିଶା ବେପାରୀ ବାସେଳି ସାହି ଥାନା ଅନ୍ତର୍ଗତ ତ୍ରିଦେବ ନଗରର ରାଜେନ୍ଦ୍ର ସାହୁ ଓ ମିଶ୍ର ସାହି ନୋଳିଆ ବସ୍ତିର ତ୍ରିନାଥ ନାୟକ ବୋଲି ପୋଲିସ ସୂଚନା ଦେଇଛି ।
ପୁରୀରୁ ଶକ୍ତି ପ୍ରସାଦ ମିଶ୍ର,ଇଟିଭି ଭାରତ
