ପୁରୀ: ସରକାରଙ୍କ ନିର୍ଦ୍ଦେଶକୁ ଘରୋଇ ସ୍କୁଲର ବେଖାତିର । ରାଜ୍ୟ ଶିକ୍ଷା ବିଭାଗର ନିୟମ ଅନୁଯାୟୀ ଶିକ୍ଷା ବର୍ଷରେ ପ୍ରତିଟି ସ୍କୁଲ ପକ୍ଷରୁ ଓସେପା ପୋର୍ଟାଲରେ ଛାତ୍ରଛାତ୍ରୀ ମାନଙ୍କ ପାଇଁ ଥିବା ତଥ୍ୟପରିଚାଳନା ବ୍ୟବସ୍ଥା ବା ଏସଡ଼ିଏମଆଇଏସକୁ ଅପୋଲଡ କରିବାର ନିୟମ ରହିଛି । କିନ୍ତୁ ଜିଲ୍ଲାର କୌଣସି ଘରୋଇ ଶିକ୍ଷାନୁଷ୍ଠାନ ଏଦି ତଥ୍ୟ ପ୍ରଦାନ କରିନାହାଁନ୍ତି । ଯାହାକୁ ନେଇ ଜିଲ୍ଲା ପ୍ରକଳ୍ପ ସଂଯୋଜିକା ଜିଲ୍ଲାପାଳଙ୍କ ନିର୍ଦ୍ଦେଶ କ୍ରମେ 170ଟି ବିଦ୍ୟାଳୟକୁ କାରଣ ଦର୍ଶାଅ ନୋଟିସ ଜାରି କରିଛନ୍ତି ।
ସେଥିମଧ୍ୟରୁ 80 ଭାଗ ସ୍କୁଲ ତଥ୍ୟ ଅପେଡଟ କରିଥିବା ବେଲେ ପୁରୀ ସଦର ଓ ଗୋପ ବ୍ଲକର 20 ପ୍ରତିଶତ ବିଦ୍ୟାଳୟ ଡାଟା ଅପଡେଟ୍ କରିନାହାଁନ୍ତି । ତେଣୁ ତଥ୍ୟ ଭରିନଥିବା ଶିକ୍ଷାନୁଷ୍ଠାନ ଗୁଡ଼ିକ ଉପରେ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି ଜିଲା ପ୍ରକଳ୍ପ ସଂଯୋଜିକା । ସେପଟେ ଶିକ୍ଷା ଅଧିକାର ଆଇନର ଖୋଲାଖୋଲି ଉଲ୍ଲଙ୍ଘନ ଘରୋଇ ସ୍କୁଲ ଗୁଡିକ କରୁଥିବାରୁ ଏ ନେଇ ଆଗାମୀ ଦିନରେ ଯାଞ୍ଚ କରାଯିବ ବୋଲି ସେ କହିଛନ୍ତି । ରାଜ୍ୟ ଶିକ୍ଷା ବିଭାଗର ଏହି ନିୟମ ଅନୁଯାୟୀ ବିଦ୍ୟାଳୟ ଗୁଡ଼ିକ ଛାତ୍ରଛାତ୍ରୀଙ୍କ ତଥ୍ୟ ଦେବା ପରେ ସରକାର ତାହାକୁ ଅନୁଧ୍ୟାନ କରିବେ । ପରେ ସଠିକ୍ ବିଦ୍ୟାର୍ଥୀ ସରକାରଙ୍କ ବିଭିନ୍ନ ଯୋଜନାର ଲାଭ ପାଇ ପାରିବେ ।
ତେବେ ଘରୋଇ ସ୍କୁଲ ଗୁଡ଼ିକ ଏହି ନିର୍ଦ୍ଦେଶକୁ ବେଖାତିର କରୁଥିବାରୁ ଅନେକ ଛାତ୍ରଛାତ୍ରୀ ବିଭିନ୍ନ ସୁବିଧା ସୁଯୋଗ ପାଇବାରୁ ବଞ୍ଚିତ ହେବାର ଆଶଙ୍କା ଦେଖାଯାଇଛି । କିନ୍ତୁ ଚଳିତ ବର୍ଷ କୌଣସି ଘରୋଇ ବିଦ୍ୟାଳୟ ଏହା କରିନାହାଁନ୍ତି । ଯାହାକୁ ନେଇ ଜିଲ୍ଲାର 170ଟି ସ୍କଲକୁ ଜୁଲାଇ 20ରେ ଜାରି ହୋଇଥିଲା ସୋ କଜ- ନୋଟିସ । ଜୁଲାଇ 22 ଭିତରେ ବିଇଓଙ୍କ ନିକଟରେ ଦାଖଲ କରିବେ ରିପୋର୍ଟ । ସେଥିରେ ମାତ୍ର 85ଟି ସ୍କୁଲ କରିଥିବା ବେଳେ ବାକି ବିଦ୍ୟାଳୟ ମାନଙ୍କ ପାଇଁ 6 ଦିନ ବଢାଇ ଦିଆଯାଇଛି ସମୟ । ତଥାପି ମଧ୍ୟ ସରକାରଙ୍କୁ ନିର୍ଦ୍ଦେଶକୁ ଫୁ କରି ଉଡ଼ାଇଦେଇଛନ୍ତି ଏହି ଅନୁଷ୍ଠାନର ମାଲିକ । ତେଣୁ ଏହି ଶିକ୍ଷାନୁଷ୍ଠାନ ଗୁଡ଼ିକ ଉପରେ ଦୃଢ କାର୍ଯ୍ୟନୁଷ୍ଠାନ ପାଇଁ ଜିଲାପାଳ ନିର୍ଦ୍ଦେଶ ଦେଇଛନ୍ତି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
