ବ୍ରହ୍ମଗିରି: ତେଜିଲା ନାମ ତାଲିକା ତାତି । ଜାତୀୟ ରାଜପଥ ଅବରୋଧ କଲେ ଗ୍ରାମବାସୀ । ବାତ୍ୟା ଫନିରେ ଘର ଭଙ୍ଗା ସହାୟତା ପାଇଁ ପ୍ରକାଶ ପାଇଥିବା ତାଲିକାରେ ଅନିୟମିତତା ଅଭିଯୋଗରେ ପୁରୀ ସାତପଡା ଜାତୀୟ ରାଜପଥକୁ ଅବରୋଧ କରାଯାଇଛି ।
କୃଷ୍ଣପ୍ରସାଦ ବ୍ଲକର ଗୋପୀନାଥପୁର ଗ୍ରାମବାସୀ ରାସ୍ତା ଅବରୋଧ କରିବା ସହ ନିର୍ଭୁଲ ତାଲିକା ପ୍ରସ୍ତୁତ ପାଇଁ ଦାବି ରଖିଛନ୍ତି । ତେବେ ଗତ ଶୁକ୍ରବାର ଅଣ ତିରିଶ ଗ୍ରାମରେ ଖୋଦ ବ୍ରହ୍ମଗିରି ତହସିଲଦାରଙ୍କୁ ହଟହଟା ହେବାକୁ ପଡ଼ିଥିଲା ।
ଭିଡିଓ ସୌଜନ୍ୟ: ପ୍ରତିନିଧି, ବ୍ରହ୍ମଗିରି
ଫନିରେ ବ୍ରହ୍ମଗିରି ଓ ସାତପଡ଼ା ଅଞ୍ଚଳ ବ୍ୟାପକ କ୍ଷୟକ୍ଷତି ହୋଇଥିଲା । ଏଥିରେ ବହୁ ପରିବାର ବାସହରା ମଧ୍ୟ ହୋଇଥିଲେ। ତେଣୁ ବାତ୍ୟା ବିପନ୍ନଙ୍କ ପାଇଁ ସହାୟତା ଘୋଷଣା କରିଥିଲେ ସରକାର । ଏହି କାର୍ଯ୍ୟରେ ବ୍ଲକ ଓ ତହସିଲ କର୍ମଚାରୀମାନେ ନିୟୋଜିତ ହୋଇ ବିପନ୍ନ ହିତାଧିକାରୀଙ୍କ ନାମ ଘୋଷଣା କରିଥିଲେ । ଯାହାକୁ ଦେଖିବା ପରେ ଗ୍ରାମବାସୀ ଅସନ୍ତୋଷ ବ୍ୟକ୍ତ କରିଛନ୍ତି ।
ବ୍ରହ୍ମଗିରିରୁ ଦେବଶିଷ ଦାସ, ଇଟିଭି ଭାରତ
