ପୁରୀ: ଜୁଆ ଆଡ୍ଡା ଉପରେ ପୋଲିସର ଚଢାଉ । ପୁରୀ ସି ବିଚ ଥାନା ସିଟି ରୋଡର ଗୋରାକବର ଲେନରେ ଜୁଆ ଖେଳ ଚାଲିଥିବା ବେଳେ ଚଢାଉ କରିଛି ପୋଲିସ । ଏନେଇ 4 ଜଣ ଜୁଆଡିଙ୍କୁ ସି ବିଚ ଥାନା ପୋଲିସ ଗିରଫ କରିଛି। ଗିରଫ ଅଭିଯୁକ୍ତ ହେଲେ ବାପି ବେହେରା , ବାବୁଲି ରେଡି , ପପୁ ନାୟକ ଓ ନାରାୟଣ ମହାନ୍ତି। ଏମାନଙ୍କ ଠାରୁ 23 ଶହ ଟଙ୍କା ସମେତ ବିଭିନ୍ନ ସାମଗ୍ରୀ ପୋଲିସ ଜବତ କରାଯାଇଛି ।
ତେବେ କୌଣସି ସୂତ୍ରରୁ ଖବର ପାଇ ପୋଲିସ ସେଠାରେ ଚଢାଉ କରିଥିଲା । ହେଲେ ଅଭିଯୁକ୍ତ ମାନେ ପାଲଟା ଆକ୍ରମଣ କରି ଖସି ପଳାଇବାକୁ ଚେଷ୍ଟା କରୁଥିବା ବେଳେ ସେମାନଙ୍କୁ କାବୁ କରିବାରେ ସକ୍ଷମ ହୋଇଥିଲା ପୋଲିସ । ଏ ନେଇ ସି ବିଚ ଥାନାରେ ଏକ ମାମଲା ରୁଜୁ ପରେ 4 ଜଣ ଜୁଆଡିଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
