ପୁରୀରେ ଚାଞ୍ଚଲ୍ୟ, ଇଟାରେ ଛେଚି ଜଣଙ୍କୁ ହତ୍ୟା

ପୁରୀ ଚୁଡ଼ଙ୍ଗ ସାହିର ଉମା ଶଙ୍କର ଆଚାର୍ଯ୍ୟଙ୍କୁ ଇଟାରେ ଛେଚି ହତ୍ୟା କରାଯାଇଛି । ଘଟଣାରେ ପୋଲିସ ମୃତକଙ୍କ ବଡ ଭାଇକୁ ଅଟକ ରଖି ପଚରାଉଚରା କରୁଛି ।

ପୁରୀ: ଚୁଡ଼ଙ୍ଗ ସାହିରେ ଜଘନ୍ୟ ହତ୍ୟାକାଣ୍ଡ । ଏଥିରେ ଜଣଙ୍କ ମୃତ୍ୟୁ ହୋଇଛି । ଏହି ଘଟଣାରେ ପୋଲିସ ମୃତକଙ୍କ ବଡ଼ ଭାଇକୁ ଅଟକ ରଖି ତଦନ୍ତ ଚଳାଇଛି । ମୃତକ ଜଣକ ଚୁଡ଼ଙ୍ଗ ସାହିର ଉମା ଶଙ୍କର ଆଚାର୍ଯ୍ୟ ।

ଗୁରୁବାର ରାତିରେ ଇଟାରେ ଛେଚି ଉମା ଶଙ୍କରକୁ ହତ୍ୟା କରାଯାଇଥିବା ନେଇ ପୋଲିସ କହିଛି । ତେବେ ଏହି ଘଟଣା ପଛରେ ପାରିବାରିକ ଗଣ୍ଡଗୋଳ ରହିଛି ବୋଲି ଜଣାପଡିଛି । ଏହି ଘଟଣା ପରେ ଜିଲ୍ଲାରେ ଚାଞ୍ଚଲ୍ୟ ଖେଳିଯାଇଛି ।

ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ