ପୁରୀ: ବସ୍ ଭିତରେ ନାବାଳିକା ଦୁଷ୍କର୍ମ ଘଟଣାରେ ଖୁବଶୀଘ୍ର ଚାର୍ଜସିଟ୍ ଦାଖଲ କରିବ ପୋଲିସ । ଆଗାମୀ 4ରୁ 5 ଦିନ ଭିତରେ ମାମଲାର ଅଭିଯୋଗ ଫର୍ଦ୍ଦ ଦାଖଲ ହେବ ବୋଲି ସୂଚନା ଦେଇଛନ୍ତି ପୁରୀ ଏସପି ଉମାଶଙ୍କର ଦାଶ । ଅନ୍ୟପଟେ ଏହି ମାମଲାର ଅଭିଯୁକ୍ତ ହେଲପରକୁ ଆଜି କୋର୍ଟ ଚାଲାଣ କରାଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ପୁରୀ
ଏଥିସହ ମୁଖ୍ୟମନ୍ତ୍ରୀ ରିଲିଫ୍ ପାଣ୍ଠିରୁ ପୀଡିତାଙ୍କୁ 20 ହଜାର ଟଙ୍କା ଦିଆଯିବ ବୋଲି ଏସପି କହିଛନ୍ତି । ତେବେ ପୀଡିତାକୁ ଏବେ ସୁଧାର ଗୃହରେ ରଖାଯାଇ ଯତ୍ନ ନିଆଯାଉଥିବା ସେ କହିଛନ୍ତି ।
ବସ୍ରେ ଆଦିବାସୀ ନାବାଳିକାକୁ ଦୁଷ୍କର୍ମ ଘଟଣାକୁ ନେଇ ରାଜ୍ୟ ରାଜନୀତି ସରଗରମ ହୋଇଉଠିଛି । ଏହି ଘଟଣାକୁ ନେଇ ସରକାରଙ୍କୁ ଘେରିଛନ୍ତି ବିରୋଧି । ସେପଟେ ଏହି ଘଟଣାରୁ ଗୁରୁତର ସହ ନେଇ ଜୋରଦାର ତଦନ୍ତ କରାଯାଉଥିବା ପୁରୀ ଏସପି କହିଛନ୍ତି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
