ପୁରୀ: ସମୁଦ୍ରରେ ଗାଧୋଉଥିବା ବେଳେ ଅଘଟଣ । ହଠାତ୍ ବଡ଼ ଲହଡି ମାଡ଼ି ଆସିବାରୁ ଭାସିଗଲେ ଦୁଇ ଦମ୍ପତି । ହେଲେ ହଠାତ ନିଜ ଜୀବନକୁ ବାଜି ଲଗାଇ ଦୁଇ ଦମ୍ପତିଙ୍କୁ ରକ୍ଷା କଲେ ଲାଇଫ ଗାର୍ଡ । ଏଭଳି ଘଟଣା ଘଟିଛି ପୁରୀ ଜିଲ୍ଲା ଚୈତନ୍ୟ ଛକ ସମୁଦ୍ର ବେଳାଭୂମି ନିକଟରେ ।
ମୃତ୍ୟୁ ମୁଖରୁ2 ଦମ୍ପତିଙ୍କୁ ରକ୍ଷା କଲେ ଲାଇଫ ଗାର୍ଡ
ବୁଡି ଯାଇଥିବା ଦମ୍ପତି ପଶ୍ଚିମବଙ୍ଗର ବୋଲି ଜଣାପଡିଛି । ପୁରୀ ବୁଲିବାକୁ ଆସି ସମୁଦ୍ରରେ ଗାଧୋଉଥିଲେ । ସେହି ସମୟରେ ହଠାତ ବଡ ଢେଉ ପଛରେ ଲୁଚିଗଲେ 4 ଜଣ । କିନ୍ତୁ ସମୁଦ୍ରକୁଳରେ କାର୍ଯ୍ୟରତ ଲାଇଫ ଗାର୍ଡ ଟ୍ୟୁବ୍ ସାହାଯ୍ୟରେ ୪ ଜଣଙ୍କୁ ଉଦ୍ଧାର କରିଥିଲେ ।
ଉଦ୍ଧାର ହୋଇଥିବା ଦମ୍ପତି ହେଲେ ଗୋବିନ୍ଦ ଧରା ଓ ତାଙ୍କ ପତ୍ନୀ ତନୁଶ୍ରୀ । ସେହିପରି ଆଉ ଜଣେ ଦମ୍ପତି ହେଲେ ବାବୁଲା ମାଲାକାର ଓ ତାଙ୍କ ପତ୍ନୀ ଜୁମା । ବର୍ତ୍ତମାନ ସମସ୍ତଙ୍କ ସ୍ବାସ୍ଥ୍ୟାବସ୍ଥା ଭଲ ଥିବା ଜଣାପଡିଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
