ପୁରୀ: ନାମାଙ୍କନ ପତ୍ର ଦାଖଲ ଶେଷ ଦିବସରେ ଆଜି ପୁରୀ ଜିଲ୍ଲାର ନିମାପଡା ଓ ପିପିଲି ଏନଏସି ପାଇଁ ପ୍ରାର୍ଥୀପତ୍ର ଦାଖଲ ଶେଷ ହୋଇଛି । ନିମାପଡା ଏନଏସି ପାଇଁ ବିଜେଡି ପକ୍ଷରୁ ସସ୍ମିତା ସାହୁ, ବିଜେପି ପକ୍ଷରୁ ବିଲୁପ୍ତା ପ୍ରିୟଦର୍ଶନୀ ମହାନ୍ତି, ଏନଏସି ଅଧ୍ୟକ୍ଷ ପଦ ପାଇଁ ନାମାନଙ୍କ ପତ୍ର ଦାଖଲ କରିଛନ୍ତି । ସେହିପରି ପିପିଲି ଏନଏସି ଅଧ୍ୟକ୍ଷ ପଦ ପାଇଁ ବିଜେଡି ପକ୍ଷରୁ ସେକ୍ ବାବୁ, ବିଜେପି ସୁକାନ୍ତ ଭଟ୍ଟ, କଂଗ୍ରେସ ପକ୍ଷରୁ ଗୁଣନିଧି ପ୍ରଧାନ ପିପିଲି ଏନଏସିରେ ଅଧ୍ୟକ୍ଷ ପଦ ପାଇଁ ନାମାଙ୍କନ ପତ୍ର ଦାଖଲ କରିଛନ୍ତି ।
ସେହିଭଳି ଆଜି ପ୍ରାର୍ଥୀ ପତ୍ର ଦାଖଲର ଶେଷ ଦିନ ଉଭୟ ନିମାପଡା ଓ ପିପିଲି ଏନଏସି ପାଇଁ ବିଭିନ୍ନ ଦଳ ପକ୍ଷରୁ କାଉନସିଲର ପ୍ରାର୍ଥୀ ନାମାଙ୍କନ ପତ୍ର ଦାଖଲ କରିଛନ୍ତି । ଆସନ୍ତା 9 ତାରିଖରେ ପ୍ରାର୍ଥୀପତ୍ର ଯାଞ୍ଚ ପରେ ଚୂଡାନ୍ତ ପ୍ରାର୍ଥୀ ତାଲିକା ପ୍ରକାଶ ପାଇବ । ପରେ ନିର୍ବାଚନ ନେଇ ପ୍ରଚାର ଆରମ୍ଭ ହେବ ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
