ପୁରୀ: କାକଟପୁର ମା ମଙ୍ଗଳା ପୀଠ ଉତ୍ସବ ମୁଖର । ଶାରଦୀୟ ଦୁର୍ଗା ପୂଜାକୁ ନେଇ ଚାଲିଛି ମା ମଙ୍ଗଳାଙ୍କ ଷୋଡଶ ଉପଚାର ପୂଜା। ଗତ ଶନିବାର ମହାଷ୍ଟମୀ ଅଵସରରେ ମା ମଙ୍ଗଳାଙ୍କ ମହିଷା ମର୍ଦ୍ଦିନୀ ବେଶ ଅନୁଷ୍ଠିତ ହୋଇଥିଲା।
ଭିଡିଓସୌଜନ୍ୟ:ସମ୍ବାଦଦାତା, ପୁରୀ
ରବିବାର ମା' ମଙ୍ଗଳାଙ୍କ ମହା ନବମୀ। ଏହି ଅବସରରେ ଆଜି ମହାଲକ୍ଷ୍ମୀ ବେଶରେ ମା ମଙ୍ଗଳା ଦର୍ଶନ ଦେଉଛନ୍ତି। ମା ମଙ୍ଗଳାଙ୍କ ଏହି ବେଶ ଦେଖିବା ପାଇଁ କାକଟପୁରରେ ହଜାର ହଜାର ଶ୍ରଦ୍ଧାଳୁଙ୍କ ଭିଡ଼ ହୋଇଛି। ବିଶ୍ବାସ ରହିଛି କାକଟପୁର ମା ମଙ୍ଗଳାଙ୍କ ନିକଟରେ ଯାହା ମାନସିକ କରାଯାଏ ତାହା ପୂରଣ ହୁଏ।
ମା ହେଉଛନ୍ତି ପ୍ରତ୍ୟକ୍ଷ ଦେବୀ। ତେବେ ସୋମବାର ଦଶମୀ ଅବସରରେ ଦଶହରା ଅନୁଷ୍ଠିତ ହେବ। ତେବେ ଷୋଡ଼ଶ ଉପଚାର ପୂଜା ଅଵସରରେ ପ୍ରତିଦିନ ଚଣ୍ଡୀ ପୂଜା, ହୋମ, ସମେତ ଗୁପ୍ତ ପୂଜା ଅନୁଷ୍ଠିତ ହେଉଛି। ଅନ୍ୟପଟେ ଶାନ୍ତି ଶୃଙ୍ଖଳା ନିମନ୍ତେ ପୋଲିସ ପକ୍ଷରୁ କଡା ସୁରକ୍ଷା ବ୍ୟବସ୍ଥା କରାଯାଇଛି।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
