ପୁରୀ: ବେଆଇନ ଗାଡି ଚାଳନାକୁ ନେଇ ନାବାଳକକୁ 35 ହଜାର ଜୋରିମାନା । ପୁରୀ ସହର ଟ୍ରାଫିକ ପୋଲିସ ଓ ଜିଲ୍ଲା ଆଞ୍ଚଳିକ ପରିବହନ କାର୍ଯ୍ୟାଳୟ ପକ୍ଷରୁ ଟ୍ରାଫିକ କଟକଣାକୁ କଡାକଡି କରାଯାଇଥିବା ବେଳେ ବେଆଇନ ଭାବେ ଗାଡ଼ି ଚଳାଇବା ଅଭିଯୋଗରେ ନାବାଳକମାନଙ୍କଠୁ ମୋଟା ଅଙ୍କର ଜୋରିମାନା ଆଦାୟ କରାଯାଉଛି।
ପୂର୍ବରୁ ଜଣେ ନାବାଳକଠାରୁ 37 ହଜାର ଟଙ୍କା ଜୋରିମାନା ଆଦାୟ କରାଯାଇଥିବା ବେଳେ ଏବେ ପୁଣି ଜଣେ ନାବାଳକଙ୍କଠାରୁ ବେଆଇନ ଗାଡି ଚଳାଇବା ଅଭିଯୋଗରେ 35 ହଜାର ଟଙ୍କା ଫାଇନ ଆଦାୟ କରାଯାଇଛି । ତେବେ ଗାଡ଼ିକୁ ଜିଲ୍ଲା ଆଞ୍ଚଳିକ ପରିବହନ କାର୍ଯ୍ୟଳୟର ଏଏସଆଇ ସୁଶାନ୍ତ ପାତ୍ରଙ୍କ ଜିମା ଦିଆଯାଇଥିବା ବେଳେ ଜୋରିମାନା ଦେଲେ ଯାଇ ଗାଡ଼ି ଫେରିପାଇବେ ବୋଲି କୁହାଯାଇଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିିଭି ଭାରତ
