ପୁରୀ: ବାତ୍ୟା ଫୋନି ତାଣ୍ଡବ ରଚି ଯିବା ପରେ ଏବେ ଚାରିଆଡେ ଚାଲିଛି ରିଲିଫ ବଣ୍ଟନ । ବିଶେଷ କରି ପୁରୀ ସହର ଅଧିକ କ୍ଷତିଗ୍ରସ୍ତ ହୋଇଥିବା ବେଳେ ସହରରେ ଥିବା ବାତ୍ୟା ବିପନ୍ନଙ୍କ ପାଇଁ ଏବେ ବିଭିନ୍ନ ସ୍ୱେଚ୍ଛାସେବୀ ସଂଗଠନ ତଥା ବିଭିନ୍ନ ଅନୁଷ୍ଠାନ ପକ୍ଷରୁ ରିଲିଫ ବିତରଣ ଚାଲୁ ରହିଛି । ଏହି କ୍ରମରେ ଆଇଟି ରିସର୍ଚ୍ଚ ଆଣ୍ଡ ଟିମ 9 ଇଭେଣ୍ଟ ଏଣ୍ଟରଟେନମେଣ୍ଟ ପକ୍ଷରୁ ମଧ୍ୟ ବାତ୍ୟା ବିପନ୍ନଙ୍କୁ ଶୁଖିଲା ଖାଦ୍ୟ ବିତରଣ କରାଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ପୁରୀ
ପୁରୀ ସହରର ବାଲିସାହି, ଭରତପୁର, ଗଡମୁରଗାସରିଆ ଆଦି ଅଞ୍ଚଳରେ ଅନୁଷ୍ଠାନ ପକ୍ଷରୁ ରିଲିଫ ଦିଆଯାଇଛି । ବିଭିନ୍ନ ଅନୁଷ୍ଠାନ ବାତ୍ୟା ବିପନ୍ନଙ୍କ ପାଇଁ ସାହାଯ୍ୟର ହାତ ବଢାଇବାକୁ ଅନୁଷ୍ଠାନ ପକ୍ଷରୁ ନିବେଦନ ମଧ୍ୟ କରାଯାଇଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
