ଗାନ୍ଧୀନଗର: ଇଣ୍ଡିଆନ କୋଷ୍ଟଗାର୍ଡର ହେଲିକପ୍ଟର କ୍ରାସ୍ । ଗୁଜୁରାଟ ପୋରବନ୍ଦରରେ ଏଏଲଏଚ ଧ୍ରୁବ ଦୁର୍ଘଟଣାଗ୍ରସ୍ତ ହେବାରୁ ୩ ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ନିୟମିତ ଟ୍ରେନିଂ ସମୟରେ ଏଏଲଏଚ ଧ୍ରୁବ ଦୁର୍ଘଟଣାର ଶିକାର ହୋଇଥିଲା । ଏନେଇ ଇଣ୍ଡିଆନ କୋଷ୍ଟଗାର୍ଡ ପକ୍ଷରୁ ସୂଚନା ଦିଆଯାଇଛି । ତିନି ମୃତକଙ୍କ ମଧ୍ୟରେ ଦୁଇ ଜଣ ପାଇଲଟ ଓ ଅନ୍ୟ ଜଣେ କର୍ମଚାରୀ ରହିଛନ୍ତି । ସେମାନଙ୍କ ପରିଚୟ ବର୍ତ୍ତମାନ ସୁଦ୍ଧା ମିଳିପାରିନାହିଁ ।
ଆଜି ମଧ୍ୟାହ୍ନରେ ହେଲିକପ୍ଟର ଏଏଲଏଚ ଧ୍ରୁବ ଗୁଜୁରାଟର ପୋରବନ୍ଦର ବିମାନବନ୍ଦରରେ ଅବତରଣ କରୁଥିଲା । ଏହି ସମୟରେ ଇଣ୍ଡିଆନ କୋଷ୍ଟଗାର୍ଡ ର ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଥିଲା । ଏହି ସମୟରେ ହେଲିକପ୍ଟରରେ ୨ ଜଣ ପାଇଲଟଙ୍କୁ ମିଶାଇ ୩ ଜଣ କ୍ରୁ ସଦସ୍ୟ ଥିଲେ । ଦୁର୍ଘଟଣାପରେ ସମସ୍ତଙ୍କ ମୃତ୍ୟୁ ହୋଇଥିଲା ଆଇସିଜି ପକ୍ଷରୁ କୁହାଯାଇଛି । ଯାନ୍ତ୍ରୀଙ୍କ ତ୍ରୁଟି ଯୋଗୁଁ ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଥିବା କୁହାଯାଉଛି । ପ୍ରକୃତ କାରଣ ତଦନ୍ତ ପରେ ସ୍ପଷ୍ଟ ହେବ । ଦିନ 12.10 ରେ ଏହି ଘଟଣା ଘଟିଛି ବୋଲି ପୋରବନ୍ଦର ପୋଲିସ ଅଧୀକ୍ଷକ ଭାଗୀରଥସିନ୍ ଜାଡେଜା ସୂଚନା ଦେଇଛନ୍ତି ।
ଏହା ମଧ୍ୟ ପଢନ୍ତୁ-ଅବତରଣବେଳେ ଜଳିଗଲା ବିମାନ, ମୃତ୍ୟୁ ସଂଖ୍ୟା 100 ପାର୍ - PLANE CRASH
#WATCH | Gujarat: Indian Coast Guard ALH Dhruv crashed in Porbandar, Gujarat during a routine training sortie.
— ANI (@ANI) January 5, 2025
(Visuals from Bhavsinhji Civil Hospital in Porbandar) https://t.co/XyM9Hatola pic.twitter.com/GjKLKWOKIn
ଏଏଲଏଚ ଧ୍ରୁବ ହିନ୍ଦୁସ୍ତାନ ଏରୋନେଟିକ୍ସ ଲିମିଟେଡ୍ ଦ୍ୱାରା ବିକଶିତ ମଲ୍ଟି-ରୋଲ୍, ଟ୍ୱିନ୍-ଇଞ୍ଜିନ ୟୁଟିଲିଟି ହେଲିକପ୍ଟର । ଯାହା ଉଭୟ ସାମରିକ ଏବଂ ବେସାମରିକ କ୍ଷେତ୍ରରେ ଆବଶ୍ୟକତା ପୂରଣ ପାଇଁ ଏହାକୁ ଡିଜାଇନ୍ କରାଯାଇଥିଲା । ଧ୍ରୁବ 2002 ମସିହାରୁ ସେବା କରିଆସୁଛି । ୨୦୨୩ ମସିହାରେ ମୁମ୍ବାଇ ତଟ ନିକଟରେ ଦୁର୍ଘଟଣାର ଶିକାର ହୋଇଥିଲା ଧ୍ରୁବ । ଏଥିରେ 3ଜଣ କ୍ରୁ ମେମ୍ବର ଥିବା ବେଳେ ବେଳେ କେହି ଆହତ ହୋଇନଥିଲେ । ଭାରତୀୟ ତଟରକ୍ଷୀ ବାହିନୀ ସହିତ ଆର୍ମି, ନୌସେନା ଏବଂ ଏୟାରଫୋର୍ସ ଦ୍ବାରା ଏହା ପରିଚାଳିତ ହୋଇଥାଏ । ଭାରତୀୟ ପ୍ରତିରକ୍ଷା ବାହିନୀ ଏଏଲଏଚ ଧ୍ରୁବ ହେଲିକପ୍ଟରକୁ ସାମଗ୍ରୀ ପରିବହନ ସମେତ ଅନ୍ୟ କାମ ପାଇଁ ମଧ୍ୟ ବ୍ୟବହାର କରିଥାଏ ।
