ପୁରୀ: ଗୁରୁବାର ପୁରୀ ଗସ୍ତରେ ଆସିଥିଲେ ଇଣ୍ଡୋନେସିଆର ରାଜ ପରିବାର ସଦସ୍ୟ। ଶ୍ରୀମନ୍ଦିର ଯାଇ ମହାପ୍ରଭୁଙ୍କୁ ଦର୍ଶନ କରିଛନ୍ତି ଇଣ୍ଡୋନେସିଆର ରାଜକୁମାର ଇନ୍ଦ୍ର ଉଦୟନ। ୨ବର୍ଷ ପୂର୍ବରୁ ମଧ୍ୟ ସେ ଆସି ଶ୍ରୀମନ୍ଦିରରେ ଜଗନ୍ନାଥଙ୍କୁ ଦର୍ଶନ କରି ଫେରିଥିଲେ।
ଗୁରୁବାର ସପରିବାର ମହାପ୍ରଭୁଙ୍କୁ ଦର୍ଶନ କରି ଆଶୀର୍ବାଦ କାମନା କରିଛନ୍ତି। ଦର୍ଶନ କରି ଫେରିବା ପରେ ଇଣ୍ଡୋନେସିଆ ଏବଂ ଭାରତ ଭିତରେ ଥିବା ସମ୍ପର୍କକୁ ବଖାଣିବା ସହ ବିଶେଷକରି ଓଡିଶା ସହ ଥିବା ନିବିଡତାକୁ ବେଶ୍ ପ୍ରଶଂସା କରିଛନ୍ତି।
ପାରମ୍ପରିକ ନୌବାଣିଜ୍ୟ ସାଙ୍ଗକୁ ସଂସ୍କୃତି, ପରମ୍ପରାରେ ଥିବା ସମାନତାକୁ ବଖାଣିବା ସହ ଓଡିଶାକୁ ତାଙ୍କର ଦ୍ୱିତୀୟ ଘର ରୂପେ ବିବେଚନା କରିଛନ୍ତି। ଜଗନ୍ନାଥଙ୍କୁ ତାଙ୍କର ଆରାଧ୍ୟ ଦେବତା ରୂପେ ପୂଜାର୍ଚ୍ଚନା କରୁଥିବାବେଳେ ବାର୍ଲିରେ ମହାପ୍ରଭୁଙ୍କର ମନ୍ଦିର ନିର୍ମାଣ କରି ପୂଜାର୍ଚ୍ଚନା କରାଯାଉଥିବା ଇଣ୍ଡୋନେସିଆର ରାଜ କୁମାର କହିଛନ୍ତି।
ତେବେ ସେ ମହାପ୍ରଭୁଙ୍କ ନିକଟରେ ତାଙ୍କ ପରିବାର ଏବଂ ଦେଶବାସୀଙ୍କ ମଙ୍ଗଳ କାମନା ପାଇଁ ଆଶୀର୍ବାଦ ଭିକ୍ଷା କରି ଫେରିଛନ୍ତି ବୋଲି କହିଛନ୍ତି।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
